आज प्रतिनिधि सभा अन्तर्गतका तीन समितिको बैठक बस्दै

काठमाण्डौ, २४ अषाढ़ । आज प्रतिनिधि सभा अन्तर्गतका तीन समितिको बैठक बस्दैछ ।

आज प्रतिनिधि सभाका कानुन, न्याय तथा मानव अधिकार समिति, पूर्वाधार विकास समिति र शिक्षा, स्वास्थ्य तथा सूचना प्रविधि समितिको बैठक बस्दैछ ।

आज बिहान ९ बजे कानुन न्याय तथा मानव अधिकार समितिको बैठकमा मानव अधिकारको वर्तमान अवस्था, समस्या र सम्बर्धनमा आयोगको भूमिका विषयमा राष्ट्रिय मानव अधिकार आयोगसँग छलफल हुदैछ । त्यस्तै समितिको आजको बैठकमा बाल सुधार गृहमा रहेका बालबालिकाहरुको मानव अधिकारको अवस्थासम्बन्धि निरिक्षण तथा अवलोकन उपसमितिको प्रतिवेदन २०८३ पेसको कार्यसूची रहेको छ ।

त्यस्तै आज बिहान ८ बजेदेखि बस्ने पूर्वाधार विकास समितिको बैठकमा मुलुकभरको खानेपानी व्यवस्थापन सम्बन्धमा छलफलको कार्यसूची रहेको छ ।

त्यसैगरी, आज बिहान साढे ८ बजेदेखि शुरु हुने शिक्षा, स्वास्थ्य तथा सूचना प्रविधि समितिको बैठकमा विज्ञान, प्रविधि तथा नवप्रवर्तन मन्त्रालयका मन्त्री र सचिव, सचिव, कानून, न्याय तथा संसदीय मामिला मन्त्रालय, कार्यकारी निर्देशक, राष्ट्रिय विधि विज्ञान प्रयोगशाला र विषय विज्ञ डा. गोपाल चौधरीसँग छलफलको कार्यसूची रहेको छ ।