प्रधानमन्त्री कार्कीले सात राजनीतिक दलहरुसँग आज छलफल गर्दै

काठमाडौँ, ४ कार्त्तिक । प्रधानमन्त्री सुशीला कार्कीले सात राजनीतिक दलहरुसंग आज छलफल गर्ने भएकी छिन् ।

प्रधानमन्त्रीको सचिवालयका अनुसार, आज दिउँसो ४ बजे बालुवाटारमा दलहरूसँग छलफल गर्न बोलाएकी हुन् ।  उनले राष्ट्रिय मान्यता प्राप्त दलबाट दुई–दुईजना प्रतिनिधि पठाउन औपचारिक पत्र लेखेकी छिन् ।

प्रधानमन्त्रीले नेपाली कांग्रेस, नेकपा एमाले, नेकपा माओवादी केन्द्र, रास्वपा, राप्रपा, जसपा नेपाल र जनमत पार्टीलाई संवादका लागि बालुवाटार बोलाएकी हुन् ।

यसअघि राष्ट्रपति रामचन्द्र पौडेलले दलका प्रतिनिधिलाई बोलाएर निर्वाचन बारे छलफल गरेर वातावरण बनाउने प्रयास गरेका थिए । कार्कीले भने दलहरुसँग संवाद गर्न लागेको यो पहिलो पटक हो ।