अनुमति बिना हज गर्नेलाई कडा कारबाही गर्ने साउदी अरबको चेतावनी

२०८३ वैशाख ०३ विहिवार

(विश्व घटना)

सारांश

साउदी अरबले अनुमति बिना हज गर्नेलाई कडा कारबाही गर्ने घोषणा गरेको छ ।

काठमाण्डौ, ०३ वैशाख । साउदी अरबले अनुमति बिना हज गर्नेलाई कडा कारबाही गर्ने घोषणा गरेको छ ।

अप्रिल १८ देखि जुनको मध्यसम्म लागू हुने नयाँ नियमअनुसार अधिकतम १ लाख साउदी रियालसम्म जरिवाना लगाइने बताइएको छ । हज सिजनका बेला मक्का र आसपासका पवित्र स्थलमा कडाइ गरिने जनाइएको छ ।

गृह मन्त्रालयका अनुसार भ्रमण भिसा मिलाइदिने, यातायात वा बसोबासको व्यवस्था गर्ने व्यक्तिलाई पनि समान जरिवाना गरिनेछ । एकभन्दा बढी व्यक्ति संलग्न भएमा जरिवाना रकम अझ बढ्न सक्नेछ । अनुमतिबिना मक्कामा प्रवेश गर्ने वा भिसा अवधि नाघेर बस्ने व्यक्तिलाई देशनिकाला गरी १० वर्षसम्म पुनः प्रवेशमा प्रतिबन्ध लगाइनेछ ।

यसका साथै यस्ता गतिविधिमा प्रयोग गरिएका सवारीसाधनसमेत जफत गर्न सकिने व्यवस्था गरिएको छ । जरिवाना लगाएपछि ३० दिनभित्र उजुरी दिने र ६० दिनभित्र प्रशासनिक अदालतमा पुनरावेदन गर्ने अधिकार पनि दिइएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

इरानको आन्तरिक संरचना र मध्यपूर्वको युद्ध

मध्यपूर्वमा डलर, तेल, र धर्मको मिश्रणले राजनीति, कूटनीति, र द्वन्द्व सिर्जना गरेको छ । यसले मुख्य उद्देश्य सभ्यताको रक्षा तथा नेतृत्व जस्तो देखिन सक्छ । यही कारणले यो संघर्ष करिब अन्तहीन जस्तो देखिन्छ । केही समयको विश्रामपछि नयाँ संस्करणको युद्ध फेरि सुरु हुन्छ ।