बेनी हाइड्रोपावरको आइपीओ बाँडफाँड

काठमाडौँ । बेनी हाइड्रोपावरको सर्वसाधारणलाई निष्काशन गरेको आइपीओ बाँडफाँड भएको छ ।

निष्कासन तथा बिक्री प्रबन्धकको जिम्मेवारी एनएमबि क्यापिटल लिमिटेडका अनुसार आइपीओमा २३ लाख ५१ हजार ५६० लगानीकर्ताले आवेदन दिएका थिए । जस मध्ये २३ लाख ५ हजार २३३ जनाको आवेदन मात्र योग्य भएको थियो । माग भन्दा बढीको आवेदन परेकोले गोलाप्रथाबाट शेयर बाँडफाँड गरिएको छ । जसमा ८६ हजार ३२० लगानीकर्ताले १०-१० कित्ताको दरले शेयर पाएका छन् ।

कम्पनीले भदौ २२ गतेदेखि भदौ २६ गतेसम्म सर्वसधारणलाई ८ लाख ६३ हजार २ सय कित्ता शेयर निष्काशन गरेको थियो।

इक्रा नेपालले बेनी हाइड्रोपावर प्रोजेक्ट लिमिटेडको जारीकर्ता मूल्यांकनलाई ‘आईसीआरएएनपी-आईआर बीबी’ बाट बढाएर ‘आईसीआरएएनपी-आईआर बीबी प्लस’ कायम गरेको छ । यसको अर्थ वित्तीय दायित्व समयमै पूरा गर्ने क्रममा कम्पनीमा मध्यम स्तरको जोखिम रहेको भन्ने हो ।

सन् २०१६ मा स्थापना भएको बेनी हाइड्रोपावरले सोलुखुम्बु जिल्लाको बेनी तथा सल्लेरी क्षेत्रमा १८ मेगावाट क्षमताको माथिल्लो सोलुखोला जलविद्युत् आयोजना निर्माण गरिरहेको छ ।

आइपिओको नतिजा सीडीएससी, मेरो सेयर तथा एनएमबि क्यापिटलको वेभसाइटबाट हेर्न सकिनेछ ।