१० लाख ५५ हजार पर्यटकले गरे नेपाल भ्रमण

काठमाडौँ: वर्ष २०२४ को ११ महिनामा जम्मा १० लाख ५५ हजार पर्यटकले नेपाल भ्रमण गरेका छन्। गत वर्ष यो संख्या ९ लाख १८ हजार थियो । गत वर्षको तुलनामा ३७ हजारले पर्यटक बढेका छन्।

नेपाल भ्रमण गर्नेहरूमा सबैभन्दा धेरै भारतीयहरू रहेका छन्। यस वर्ष २ लाख ९३ हजार भारतीय पर्यटकहरूले नेपाल भ्रमण गरे। यो समग्र पर्यटक आवागमनको २७ दसमलव ८ प्रतिशत हो।  

भारत पछि सबै भन्दा धेरै अमेरिकन पर्यटकहरू १ लाख ४ हजार संख्या सहित दोश्रो स्थानमा रहेका छन्। त्यस्तै उत्तरी छिमेकी राष्ट्र चीनबाट ९२ हजार पर्यटकहरूले नेपाल भ्रमण गरेका छन्। नेपाल भ्रमण गर्ने पर्यटकहरूको संख्याको हिसाबले चीनको तेस्रो स्थान रहेको छ ।

दक्षिण एसियाको सार्क राष्ट्रहरूमा भारत पछि सबै भन्दा धेरै बंगलादेशबाट ४२ हजार पर्यटक आएका छन् भने एसियामा भारत पछि थाईल्याण्डबाट २५ हजार, द कोरियाबाट २४ हजार र जापानबाट २० हजार पर्यटकले नेपाल भ्रमण गरेका छन् ।

नेपाल भ्रमण गर्ने युरोपेली राष्ट्रहरूमा बेलायतबाट ५० हजार पर्यटकले नेपाल भ्रमण गरेका छन। बेलायतले भारत, अमेरिका र चीन पछि समग्र पर्यटन आवागमनको चौथो स्थान ओगटेको छ।

त्यस्तै युरोपेली राष्ट्रहरूमा बेलायत पछि जर्मनीबाट २८ हजार र फ्रान्सबाट २४ हजार पर्यटकले नेपाल भ्रमण गरेका छन्। नेपाल भ्रमण गर्ने पर्यटकहरूमा ३९ हजार संख्या सहित अष्ट्रेलिया छैठौं स्थान रहेको छ।  

तथ्याङ्क श्रोत: नेपाल पर्यटन बोर्ड