नीति तथा कार्यक्रम: उर्जा क्षेत्रमा एकद्वार प्रणाली लागू गर्ने घोषणा

काठमाडौँ: सरकारले ऊर्जा, वन, भूमि तथा वातावरणसम्बन्धी कानुन परिमार्जन गरी एकद्वार प्रणाली लागू गर्ने घोषणा गरेको छ ।

राष्ट्रपति रामचन्द्र पौडेलले आर्थिक वर्ष २०८३/०८४ को नीति तथा कार्यक्रममा सरकारले आगामी दशकमा ३० हजार  मेगावाट विद्युत् उत्पादन पुर्‍याउने लक्ष्य हासिल गर्न एकद्वार प्रणाली लागू गर्ने घोषणा गरेका हुन् । 

एउटा आयोजना निर्माण गर्न धेरै सरकारी निकाय धाउनु पर्ने बाध्यता रहेको अवस्थाको अन्त्य गर्न सरकारले एकद्वार प्रणाली लागू गर्ने नीति ल्याएको छ । 

हाल राष्ट्रिय प्रणालीमा करिब ४२ सय मेगावाट बिजुली जडान भए पनि अत्यधिक माग २६ सय मेगावाट मात्रै रहेको छ ।