जनकवि दुर्गालाल श्रेष्ठको निधन

१ भाद्र, २०८३, सोमवार
सारांश
  • श्रेष्ठको आइतबार राति बुढानीलकण्ठस्थित आफ्नै निवासमा निधन भएको हो । उनी पछिल्लो समय अस्वस्थ थिए ।

काठमाडौँ: नेपालभाषा र नेपाली भाषाका जनकवि, गीतकार, नाटककार तथा चिन्तक दुर्गालाल श्रेष्ठको ९३ वर्षको उमेरमा निधन भएको छ ।

 

श्रेष्ठको आइतबार राति बुढानीलकण्ठस्थित आफ्नै निवासमा निधन भएको हो । उनी पछिल्लो समय अस्वस्थ थिए ।

 

श्रेष्ठले पछिल्लो छ दशकदेखि निरन्तर साहित्य सिर्जना गर्दै आएका थिए । उनले नेपालभाषासँगै नेपाली भाषामा कविता, गीत, नाटक तथा अन्य साहित्यिक विधामा महत्वपूर्ण योगदान दिएका छन्। नेपाल भाषा परिषद्ले करिब दुई दशकअघि उनलाई ‘जनकवि’को उपाधिबाट सम्मान गरेको थियो ।

 

उनले नेपाली रङ्गमञ्चमा नौलो प्रयोगका रूपमा ‘रामबहादुरको संसार’ जस्तो नाटक लेखेका थिए । उनका नाटकबाट मदनदास श्रेष्ठ र हरिहर शर्माजस्ता कलाकारले रङ्गमञ्चमा पहिचान बनाएका थिए ।

 

श्रेष्ठ स्वरसम्राट् नारायणगोपालका प्रिय गीतकारका रूपमा पनि परिचित थिए । अम्बर गुरुङको सङ्गीतमा निर्मला श्रेष्ठले गाएको ‘सयथरि गोडा एउटै चाल’ तथा न्ह्यू बज्राचार्यको सङ्गीतमा रहेको ‘फूलको आँखामा फूलै संसार’ उनका चर्चित गीत हुन् । ‘फूलको आँखामा फूलै संसार’ नेपाली संगीतप्रेमीको मनमुटुमा बस्न सफल उनको लोकप्रिय सिर्जनामध्ये एक हो । उनका कविता, गीत र नाट्य सिर्जनाले नेपाली तथा नेपालभाषाको साहित्य र संगीत क्षेत्रमा दीर्घकालीन प्रभाव छाडेका छन् ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

विशेष

बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?

बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।

थप समाचार