आर्थिक अवस्था मजबुत बनाउने लक्ष्यसहित बजेट तयारी भइरहेको अर्थमन्त्री वाग्लेको भनाइ

काठमाडौँ: अर्थमन्त्री डा. स्वर्णिम वाग्ले ले आगामी आर्थिक वर्षको बजेट मुलुकको आर्थिक अवस्था मजबुत बनाउने लक्ष्यसहित तयार भइरहेको बताएका छन्। 

काठमाडौँमा आयोजित आर्थिक परिसंवाद कार्यक्रममा उनले अर्थतन्त्र चलायमान बनाउन असान्दर्भिक ऐन खारेजी र लगानीमैत्री वातावरण निर्माणमा सरकार केन्द्रित रहेको बताए।

उनले उच्चस्तरीय आर्थिक सुझाव आयोगको प्रतिवेदनलाई समेत आधार मानेर बजेट निर्माण भइरहेको जानकारी दिए। निजी क्षेत्रलाई विश्वासमा लिएर मात्र आर्थिक विकास सम्भव हुने भन्दै उनले व्यवसायी र उद्यमीको सुरक्षामा सरकार प्रतिबद्ध रहेको उल्लेख गरे।

साथै, निजी सम्पत्तिको सुरक्षा, कर प्रणालीमा सुधार र सम्झौताहरूको कार्यान्वयनलाई प्रभावकारी बनाउने नीति अघि बढाइने पनि अर्थमन्त्री वाग्लेले बताएका छन्।