मौसममा क्रमिक सुधार हुने

काठमाडौँ: जल तथा मौसम विज्ञान विभागले हाल  गण्डकी, बागमती, मधेश र कोशी प्रदेशका विभिन्न स्थानहरुमा वर्षा भइरहेको जानकारी दिएको छ ।

यो अवस्था अझै केही समयसम्म कायम रहने सम्भावना रहेको छ भने आज बेलुकादेखि मौसममा क्रमिक सुधार हुने विभागले जनाएको छ ।

हिजोदेखि सक्रिय रहेको पश्चिमी न्यून चापीय प्रणालीको प्रभावका कारण विगत २४ घण्टामा देशका अधिकांश भू-भागमा मेघगर्जन/चट्याङ्ग, असिना तथा हावाहुरीसहित वर्षा भएको छ । हाल लुम्बिनी, गण्डकी, बागमती, मधेश र कोशी प्रदेशका विभिन्न स्थानमा वर्षा भइरहेको छ ।

यो प्रणाली क्रमश पूर्वतिर सर्ने क्रममा छ र  उक्त प्रणाली आज बेलुकादेखि क्रमिक रूपमा कमजोर हुँदै जाने सम्भावना रहेको विभागले जानकारी दिएको छ ।