भौतिकशास्त्रतर्फको नोबेल पुरस्कार फ्रान्सिस हाल्जेनलाई प्रदान

२० असोज, २०८३

(विश्व घटना)

सारांश

सन् २०२६ को भौतिकशास्त्रतर्फको नोबेल पुरस्कार अमेरिकी वैज्ञानिक फ्रान्सिस हाल्जेनलाई प्रदान गरिने भएको छ ।

काठमाडौं । सन् २०२६ को भौतिकशास्त्रतर्फको नोबेल पुरस्कार अमेरिकी वैज्ञानिक फ्रान्सिस हाल्जेनलाई प्रदान गरिने भएको छ ।

रोयल स्विडिस एकेडेमी अफ साइन्सेसले उनलाई आइसक्युब न्युट्रिनो वेधशालामा निर्णायक योगदान तथा खगोलीय उत्पत्तिका उच्चऊर्जा न्युट्रिनोको खोजका लागि पुरस्कार दिने घोषणा गरेको हो ।

हाल्जेनले दक्षिण ध्रुवको बरफ प्रयोग गरेर न्युट्रिनो पत्ता लगाउने अवधारणा अघि सारेका थिए । उनको नेतृत्वमा विकसित आइसक्युब वेधशालाले सौर्यमण्डलभन्दा निकै बाहिरबाट आएका उच्चऊर्जा न्युट्रिनो पत्ता लगाउन महत्वपूर्ण भूमिका खेलेको थियो ।

वैज्ञानिकहरूका अनुसार न्युट्रिनोले आफ्नो दिशा वा ऊर्जा नगुमाई लामो दूरी पार गर्ने भएकाले ब्रह्माण्डका अत्यन्त शक्तिशाली घटनाबारे महत्वपूर्ण जानकारी उपलब्ध गराउन सक्छन् । हाल्जेनको कामले नयाँ प्रकारको खगोलीय अनुसन्धानको बाटो खोलेको नोबेल समितिले जनाएको छ ।

यसअघि सोमबार चिकित्साशास्त्रतर्फको नोबेल पुरस्कार कार्ल डाइसेरोथ, पिटर हेगेमान र जर्ज नागेललाई संयुक्त रूपमा प्रदान गरिएको थियो ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?

बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।

बिन्दु पोष्ट