- अमेरिकी प्रविधि कम्पनी एनभिडियाका पूर्वप्रमुख जेन्सेन हुआङसँग जोडिएकी चीनकी सम्भावित जासुस एलिस हुआङले सन् २०२५ अगस्टमै सिंगापुरस्थित मेगास्पिड कम्पनीको कार्यकारी पद छाडेको कम्पनीले जनाएको छ ।
काठमाण्डौ, ३० कार्त्तिक । अमेरिकी प्रविधि कम्पनी एनभिडियाका पूर्वप्रमुख जेन्सेन हुआङसँग जोडिएकी चीनकी सम्भावित जासुस एलिस हुआङले सन् २०२५ अगस्टमै सिंगापुरस्थित मेगास्पिड कम्पनीको कार्यकारी पद छाडेको कम्पनीले जनाएको छ ।
एनभिडियाका उच्च क्षमताका कृत्रिम बौद्धिकता चिप चीनसम्म पुर्याउन मेगास्पिडले सहयोग गरेको आशङ्कापछि कम्पनी विवादमा परेको हो । दक्षिणपूर्वी एसियामा एनभिडियाका चिपको सबैभन्दा ठूलो खरिदकर्ता रहेको मेगास्पिडले आइतबार आफ्नो व्यावसायिक गतिविधि र आपूर्ति प्रणालीबारे आन्तरिक अनुसन्धान सुरु गरेको जनाएको छ । कम्पनीले बाह्य कानुनी परामर्शदातासमेत नियुक्त गरेको छ ।
यसैबीच, अमेरिकी सांसद जोन मोलिनारले जेन्सेन हुआङले चीनसम्बन्धी संसदीय समितिसहित अन्य दुई समितिसमक्ष बयान दिन सहमति जनाएको बताएका छन् । अमेरिकी निर्यात प्रतिबन्धका बाबजुद एनभिडियाका अत्याधुनिक चिप चीन पुगेको आशङ्का र त्यसमा एलिस हुआङको सम्भावित भूमिकाबारे अनुसन्धान गर्न बयान लिन लागिएको हो ।
मेगास्पिडले मलेसिया, इन्डोनेसिया र थाइल्यान्डमा सञ्चालन गरेका तथ्याङ्क केन्द्रमार्फत चिनियाँ कम्पनीलाई एनभिडियाका चिपमा अप्रत्यक्ष पहुँच दिएको आशङ्का गरिएको छ । अमेरिकी अर्थमन्त्री स्कट बेसेन्टले पनि चिप निर्यातको निगरानीमा वाणिज्य मन्त्रालयको कमजोरी रहेको आरोप लगाएका छन् । यस विषयमा वाणिज्यमन्त्री हावर्ड लटनिकलाई आगामी महिना अमेरिकी सिनेटको समितिसमक्ष बयान दिन बोलाइएको छ ।
यता चीनले एलिस हुआङ जासुस भएको आरोप अस्वीकार गर्दै यस प्रकरणलाई कृत्रिम बौद्धिकता प्रविधिमा चीनमाथि प्रतिबन्ध लगाउने बहानाका रूपमा प्रयोग नगर्न अमेरिकालाई चेतावनी दिएको छ ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।