चीनले चन्द्रमाको दक्षिणी ध्रुवको वातावरण तथा स्रोतको विस्तृत अध्ययन गर्ने
२०८३ जेठ १० आईतवार
- चीनको चन्द्र अन्वेषण अभियान ‘चाङ–ई–७’ ले चन्द्रमाको दक्षिणी ध्रुव क्षेत्रमा वातावरण तथा स्रोतको विस्तृत अध्ययन गर्ने भएको छ ।
काठमाण्डौ, १० जेठ । चीनको चन्द्र अन्वेषण अभियान ‘चाङ–ई–७’ ले चन्द्रमाको दक्षिणी ध्रुव क्षेत्रमा वातावरण तथा स्रोतको विस्तृत अध्ययन गर्ने भएको छ । यो अभियान यसै वर्षको अन्त्यतिर प्रक्षेपण गरिने चीनको मानव अन्तरिक्ष निकायले जनाएको छ ।
चिनियाँ सरकारी सञ्चारमाध्यमका अनुसार निकायका प्रवक्ता झाङ जिङ्बोले अभियानमा परिक्रमा, अवतरण, रोभर सञ्चालन तथा ‘हपिङ’ प्रविधिसहितको व्यापक अन्वेषण पद्धति अपनाइने बताएका छन् । चन्द्रमाको दक्षिणी ध्रुव क्षेत्रमा केन्द्रित यो रोबोटिक अभियानको मुख्य उद्देश्य पानीको बरफ खोज्नु र भविष्यमा अनुसन्धान केन्द्र स्थापना गर्न सकिने सम्भावनाको अध्ययन गर्नु रहेको छ ।
गत अप्रिलमा ‘चाङ–ई–७’ यानलाई दक्षिणी टापु प्रान्त हाइनानस्थित प्रक्षेपण केन्द्रमा पुर्याइएको थियो । अहिले त्यहाँ प्रक्षेपणअघिका आवश्यक तयारी भइरहेको जनाइएको छ । झाङका अनुसार अभियानसँग सम्बन्धित सबै काम योजनाअनुसार सहज रूपमा अघि बढिरहेका छन् ।
सन् २०२३ मा भारत चन्द्रमाको कम अध्ययन गरिएको दक्षिणी ध्रुव नजिक सफल अवतरण गर्ने पहिलो देश बनेको थियो । भारतले ‘चन्द्रयान–३’ अभियानमार्फत ‘प्रज्ञान’ रोभरलाई चन्द्र सतहमा उतारेको थियो । त्यसपछि चीनको ‘चाङ–ई–६’ अभियानले चन्द्रमाको पृथ्वीबाट नदेखिने टाढाको भागबाट पहिलोपटक नमुना सङ्कलन गरेर पृथ्वीमा फर्काउने उपलब्धि हासिल गरेको थियो ।
चीनले सन् २०३० सम्म चन्द्रमामा मानवसहितको अन्तरिक्ष यान अवतरण गराउने लक्ष्य पनि अघि सारेको छ । झाङका अनुसार चीनले मानवयुक्त तथा मानवविहीन चन्द्र अभियानलाई एकीकृत रूपमा अघि बढाइरहेको छ ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
-
राजस्व चुहावट रोक्न कुनै कसर बाँकी नराख्न अर्थमन्त्री डा. स्वर्णिम वाग्लेको निर्देशन
-
२६ रनमै समेटियो नेपाल, भारत ए सँग लज्जास्पद हार
-
भारत ए ले नेपाललाई दियो ३३३ रनको लक्ष्य
-
प्रधानमन्त्रीको भारत भ्रमण सानातिना बिषयमा होइन, सद्भाव र बलियो ‘नेगोसिएसन’ को आधार तयार गर्न केन्द्रित हुनुपर्छ : राजन शर्मा
-
यस्तो छ प्रधानमन्त्रीको भारत भ्रमणको टाइमलाइन
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।