रसियाको घटदो जनसंख्या: यौन मन्त्रालयको प्रस्ताव

रुसी अधिकारीहरूले देशको द्रुत रूपमा घट्दो जन्मदरका बिरुद्ध काम गर्न समर्पित एक 'यौन मन्त्रालय' स्थापना गर्ने विचित्र प्रस्ताव ल्याउने बारे विचार गरिरहेको बताएका छन्। 

यो कदम भ्लादिमिर पुटिनको नेतृत्वमा रहेको देशको 'विशेष जनसांख्यिकीय अपरेसन' को एक हिस्साको रूपमा आएको हो।

रसियाको जन्मदर २५ बर्षमा सबैभन्दा न्यून बिन्दुमा झरेको छ।

राष्ट्रिय तथ्याङ्क एजेन्सीको तथ्याङ्कले देखायो कि रूसमा २०२४ को पहिलो छ महिनामा ५९९,६०० बालबालिकाको जन्म भएको थियो - गत वर्षको सोही अवधिको तुलनामा १६,००० कम र १९९९ पछिको यो सबैभन्दा कम हो ।

जुन महिनामा जन्मेको संख्या ६ प्रतिशतले घटेर ९८,६०० पुगेको छ, जुन पहिलो पटक मासिक जनसंख्या वृद्धिदर संख्या १,००,००० भन्दा तल झरेको रुसी मिडियाले जनाएको छ।

"यो राष्ट्रको भविष्यको लागि विनाशकारी हो," क्रेमलिनका प्रवक्ता दिमित्री पेस्कोभले जुलाईमा भने।

यो जनसांख्यिकीय गिरावट युक्रेनसँगको लामो युद्धको बीचमा भइरहेको छ, जुन अहिले तेस्रो वर्षमा प्रवेश गरेको छ र यस घटनाको परिणामस्वरुप धेरै हताहत भएको छ। सीमा क्षेत्रहरूमा सुरक्षा अवस्था अनिश्चित हुँदा रुसी परिवारहरूले बच्चा जन्माउने निर्णयमा ढिलाइ गरिरहेका छन्।  

यस्तो देखिन्छ कि रसियाले आफ्नो देशको घट्दो जन्मदरलाई सम्बोधन गर्न कुनै कसर बाँकी राखेको छैन।

कार्यस्थलमा यौनसम्पर्कलाई प्रोत्साहित गर्नेदेखि लिएर मानिसहरूलाई पहिलो भेटघाट (डेटिङ्ग) जानका लागि आर्थिक प्रोत्साहन प्रदान गर्ने प्रस्तावहरू समेत अगाडि सारेको छ।

रूसी प्रकाशन मोस्कभिच पत्रिकाको हालैको रिपोर्ट अनुसार, रुसी अधिकारीहरूले एक विचित्र प्रस्तावलाई विचार गरिरहेका छन्: देशको द्रुत रूपमा घट्दो जन्मदरमा काम गर्न समर्पित "यौन मन्त्रालय" स्थापना गर्ने। जसको प्रमुख काम जनसंख्या वृद्धिदरमा प्रोत्साहन हुने योजनाहरू बनाउने र तिनलाई कार्यान्वयन गर्न समर्पित हुनेछ।  

रुसी अधिकारीहरूले देशको जनसंख्या बढाउने उद्देश्यले विभिन्न प्रस्तावहरू ल्याइरहेका छन्।

एउटा प्रस्तावमा नागरिकहरूलाई राति १० बजेदेखि बिहान २ बजेसम्म घरमा इन्टरनेट र बत्तीहरू बन्द गर्न प्रोत्साहित गर्ने कुरा समावेश छ ।

अर्को प्रस्तावमा, दम्पतीहरूले उनीहरूको पहिलो डेटिङ्गको लागि सरकारबाट ५,००० रूबल (करिब रु ६८०० ) प्राप्त गर्नेछन्।

त्यस्तै अर्को एक रोचक प्रस्ताव छ, जहाँ नव जोडीहरूलाई उनीहरूको विवाहको रातको खर्चलाई राज्यले आर्थिक सहयोग गर्नेछ, होटेल खर्च २६,३०० रूबल (रु. ३५, ८००) सम्म राज्यले व्यहोर्ने छ, जसले गर्भधारणको सम्भावनालाई सहयोग पुगोस ।

अन्य प्रस्तावहरू अझ रचनात्मक छन्, जस्तै घरमा बस्ने आमाहरूलाई घरको कामको लागि क्षतिपूर्ति दिने र यो कामलाई उनीहरूको पेन्सनमा गणना गर्ने।

यी राष्ट्रिय रणनीतिहरूको साथसाथै, केही क्षेत्रहरूले पनि कामहरू गरिरहेका छन्। खाबारोभस्कमा, १८ देखि २३ वर्षका युवतीहरूलाई सन्तान जन्माउन प्रोत्साहनको रूपमा £ ९०० (रु. १ लाख ५० हजार) प्रदान गरिनेछ । यसैबीच, चेल्याबिन्स्कमा, पहिलो बालक जन्मको लागि £ ८,५०० (रु १४ लाख ५० हजार) प्रदान गरिनेछ, जुन उल्लेखनीय रूपमा उच्च छ।

यसअघि क्षेत्रीय स्वास्थ्य मन्त्री डा. येभगेनी शेस्टोपालोभले रुसीहरूलाई आफ्नो जीवनमा ‘सेक्स-एट-वर्कप्लेस’ योजना लागू गर्न आग्रह गरेका थिए जसमा खाजा र कफी ब्रेकमा बच्चा सिर्जना गर्न सुझाव दिइएको थियो।

"तपाईं विश्रामको समयमा प्रजननमा संलग्न हुन सक्नुहुन्छ किनभने जीवन धेरै छिटो उड्छ,"।

राष्ट्रपति भ्लादिमिर पुटिनका कट्टर समर्थक र रुसी संसदको पारिवारिक संरक्षण समितिकी प्रमुख ६८ वर्षीया नीना ओस्टानिनाले हाल "यौन मन्त्रालय" को स्थापनाको वकालत गर्ने प्रस्तावको समीक्षा गरिरहेकी छिन्। 

रुसी अधिकारीहरूले महिलाहरूलाई उनीहरूको यौन जीवन र महिनावारी चक्रबारे पनि सोधपुछ गर्न थालेका छन्।

मस्कोमा, सार्वजनिक क्षेत्रका महिला कर्मचारीहरूले उनीहरूको यौन र प्रजनन स्वास्थ्य, पारिवारिक अभिप्राय, र थप कुराहरूबारे विस्तृत प्रश्नावलीहरू सोधिएको छ, जसले देशभरि व्यापक तथ्याङ्क सङ्कलन गर्नको लागि सुझाव दिईएको छ ।

प्रश्नहरू अत्यन्त व्यक्तिगत छन्, महिलाहरू यौन कार्यमा सक्रिय हुँदा, उनीहरूले गर्भनिरोधक प्रयोग गर्छन् कि गर्दैनन्, बाँझोपन छ वा छैन वा विगतको गर्भावस्थाको अनुभव, र यदि उनीहरूले आउँदो वर्षमा बच्चा जन्माउने योजना बनाइरहेका छन् कि भनेर सोधिन्छ ।

प्रश्नावलीको जवाफ नदिनेहरूले डाक्टरको अपोइन्टमेन्टमा उपस्थित हुनुपर्नेछ जहाँ उनीहरूले व्यक्तिगत रूपमा उही प्रश्नहरूको जवाफ दिनुपर्नेछ।

यसअघि रुसी संसदले ‘बालबालिकामुक्त’ जीवनशैलीलाई प्रवर्द्धन गर्ने व्यक्तिहरूलाई हजारौं डलर बराबरको जरिवाना गर्ने नयाँ कानूनमा काम गरिरहेको थियो।

अलग रूपमा, मस्कोले महिलाहरूको लागि निःशुल्क प्रजनन परीक्षण कार्यक्रम सुरु गर्यो।

 यसले हालसम्म २०,००० सहभागीहरूलाई आकर्षित गरेको छ।

• एजेन्सीहरूको साथमा