ओलीको प्रतिवेदन पारित, आज सचिवालयपछि केन्द्रीय कमिटी बैठक बस्ने

२०८३ असोज ०८ विहिवार

(राजनीति)

सारांश

बैठक आज अपराहन्न १२: ३० बजेदेखि ललितपुरको भनिमण्डलस्थित रामबाग भवनमा बस्ने प्रचार तथा प्रकाशन विभागका प्रमुख निरज आचार्यले जानकारी दिएका छन् ।

काठमाण्डौ, ०८ असोज । नेकपा एमालेको केन्द्रीय कमिटीको जारी बैठक आज पनि बस्दैछ ।

बैठक आज अपराहन्न १२: ३० बजेदेखि ललितपुरको भनिमण्डलस्थित रामबाग भवनमा बस्ने प्रचार तथा प्रकाशन विभागका प्रमुख निरज आचार्यले जानकारी दिएका छन् ।

केन्द्रीय कमिटीको बैठकअघि पार्टी केन्द्रीय सचिवालयको बैठक बिहान १० बजे च्यासलस्थित केन्द्रीय कार्यालयमा बस्नेछ ।

एमाले केन्द्रीय कमिटीको बैठक आज तेस्रो दिन बुधबार पनि भनिमण्डलस्थित रामबाग भवनमा बसेको थियो । बैठकले पार्टी अध्यक्ष केपी शर्मा ओलीले प्रस्तुत गरेको राजनीतिक प्रतिवेदन सर्वसम्मतिले पारित गरेको छ ।

यसअघि अध्यक्ष ओलीले राजनीतिक प्रतिवेदनमाथि केन्द्रीय सदस्यहरूले राखेका धारणा र सुझावका विषयमा स्पष्ट पारेका थिए ।

सोमबारदेखि शुरु भएको बैठकमा पार्टी सचिवालयका सदस्य, पदाधिकारी, आयोगका अध्यक्ष तथा केन्द्रीय कमिटीका सदस्यहरूले राजनीतिक प्रतिवेदनमाथि आ–आफ्ना धारणा र सुझाव प्रस्तुत गरेका थिए ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

अफ्रिकी जंगली कुकुरको चार हजार किलोमिटरको कीर्तिमानी यात्रा !

अफ्रिकी जंगली कुकुरको एउटा समूहले जाम्बियामा करिब ४ हजार किलोमिटरको कीर्तिमानी यात्रा गरेको छ । वैज्ञानिकहरूका अनुसार यो अफ्रिकाको कुनै पनि स्थल स्तनधारीले जोडीको खोजीमा गरेको अहिलेसम्मकै सबैभन्दा लामो यात्रा हो ।

बिन्दु पोष्ट