शिक्षामन्त्री पोखरेलसँग युरोपेली सङ्घकी राजदूत लोरेन्जोको भेटवार्ता
१ भाद्र, २०८३, सोमवार
- राजदूत लोरेन्जोले नेपालको शिक्षा क्षेत्रसँगको सहकार्य युरोपेली सङ्घको महत्वपूर्ण प्राथमिकता रहेको बताउँदै सहयोगलाई निरन्तरता दिने प्रतिबद्धता व्यक्त गरेकी थिइन् ।
काठमाडौँ: शिक्षा तथा खेलकुदमन्त्री सस्मित पोखरेलसँग नेपालका लागि युरोपेली सङ्घका राजदूत भेरोनिक लोरेन्जोले शिष्टाचार भेटवार्ता गरेकी छन् ।
सिंहदरबारस्थित शिक्षा मन्त्रालयमा भएको भेटमा नेपाल र युरोपेली सङ्घबीचको मैत्रीपूर्ण सम्बन्ध, शिक्षा क्षेत्रमा भइरहेको सहकार्य तथा आगामी दिनमा सहकार्य विस्तारका विषयमा छलफल भएको थियो ।
भेटमा मन्त्री पोखरेलले विद्यालय शिक्षाको सुधारका लागि शिक्षा ऐन र प्राविधिक तथा व्यावसायिक शिक्षा ऐन अघि बढाइएको जानकारी दिए। राष्ट्रिय पाठ्यक्रम प्रारूप परिमार्जन, प्राविधिक तथा व्यावसायिक शिक्षामा सुशासन, शिक्षकको पेसागत विकास तथा डिजिटल शिक्षाका क्षेत्रमा पनि मन्त्रालयले काम गरिरहेको उनले बताए ।
मन्त्री पोखरेलले प्रारम्भिक बाल विकासका शिक्षकलाई प्रारम्भिक अटिजम पहिचान तथा परीक्षणसम्बन्धी तालिम दिने कार्यलाई प्राथमिकतामा राखिएको बताउँदै यस क्षेत्रमा युरोपेली सङ्घसँग सहकार्यलाई निरन्तरता दिने बताए ।
राजदूत लोरेन्जोले नेपालको शिक्षा क्षेत्रसँगको सहकार्य युरोपेली सङ्घको महत्वपूर्ण प्राथमिकता रहेको बताउँदै सहयोगलाई निरन्तरता दिने प्रतिबद्धता व्यक्त गरेकी थिइन् ।
उनले सन् २०२८ देखि २०३४ सम्म नेपालको शिक्षा क्षेत्र सुधारका लागि आवश्यक कार्यढाँचामा काम भइरहेको जानकारी दिँदै विद्यालय शिक्षा, प्राविधिक तथा व्यावसायिक शिक्षा, डिजिटल शिक्षा र शिक्षकको पेसागत विकासमा सहकार्य गर्न युरोपेली सङ्घ तयार रहेको बताएको शिक्षा मन्त्रीको सचिवालयले जानकारी दिएको छ ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
-
आज अन्तर्राष्ट्रिय सहनशीलता दिवस मनाइँदै
-
उदाउँदो सूर्यलाई अर्घ दिँदै छठ पर्व समापन गरिँदै
-
आजको राशिफल: वि.सं. २०८३ कार्तिक ३० गते सोमबार
-
५० प्रतिशत भौतिक प्रगति भएका जलविद्युत् आयोजनाले मात्रै आईपीओ जारी गर्न पाउने
-
जलवायु अनुकूलनका लागि विद्यालय तहको पाठ्यक्रम परिमार्जन गर्दैछौँ- शिक्षामन्त्री पोखरेल
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।