काँग्रेसले संसदमा खोज्यो प्रधानमन्त्री, रुलिङ गरेर बोलाउन सभामुखसँग माग

२०८३ वैशाख ३० बुधवार

(राजनीति)

सारांश

नेपाली काँग्रेसले प्रतिनिधि सभामा प्रधानमन्त्री बालेन्द्र शाहको उपस्थिति नभएको प्रति प्रश्न उठाएको छ ।

काठमाण्डौ, ३० वैशाख । नेपाली काँग्रेसले प्रतिनिधि सभामा प्रधानमन्त्री बालेन्द्र शाहको उपस्थिति नभएको प्रति प्रश्न उठाएको छ ।

बुधबारको प्रतिनिधि सभाको बैठकको आकस्मिक समयमा बोल्दै काँग्रेसका सचेतक निस्कल राईले सरकारको नीति तथा कार्यक्रममाछलफल हुने बैठकमा प्रधानमन्त्री उपस्थित नभएको भन्दै सभामुखको रुलिङको माग गरेका हुन् । उनले काँग्रेसले मंगलबारको बैठकमै प्रधानमन्त्रीको स्वास्थ्यको विषय उठाएको बताउदै प्रधानमन्त्रीले नीति तथा कार्यक्रमको जवाफ दिनुपर्ने माग गरेका छन् । उनले भने- 'सदनमा मैले प्रधानमन्त्रीलाई देखेको छैन । उहाँ आफैले बनाएको नीति तथा कार्यक्रमको जवाफ दिने कार्यसूची रहेको छ ।'

सांसद राईले सभामुखले नै संसदको गरिमा बढाउनु पर्ने भन्दै रुलिङ गरेर प्रधानमन्त्रीलाई सदनमा बोलाउन माग गरेका थिए ।

नीति तथा कार्यक्रममाथि सांसदहरूको प्रश्नको प्रधानमन्त्रीले जवाफ दिने भनिए पनि आज अर्थमन्त्री डा. स्वर्णिम वाग्लेले जवाफ दिने तयारी गरिएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

ओपेकबाट युएईको 'ब्रेकअप': विश्व तेल राजनीतिमा नयाँ पराकम्प र भविष्यको सङ्कट

१९६७ देखि नै ओपेकको सक्रिय सदस्य रहेको युएईको बहिर्गमन केवल एउटा देशको बहिर्गमन मात्र होइन, बरु यसले तेल उत्पादक राष्ट्रहरूको दशकौँदेखिको एकाधिकार र एकतामाथि नै गम्भीर प्रश्न चिन्ह खडा गरिदिएको छ ।

बिन्दु पोष्ट