कानुन दिवसमा प्रधानमन्त्री र कानुनमन्त्रीको अनुपस्थितिप्रति महेश बस्नेतले उठाए प्रश्न

काठमाडौँ: नेकपा एमालेका सचिव महेश बस्नेतले कानुन दिवसमा कार्यपालिकाको अनुपस्थितिप्रति प्रश्न उठाएका छन् ।

शनिबार सम्पन्न कानुन दिवस कार्यक्रममा कार्यपालिकाको अनुपस्थिति सामान्य प्रोटोकलको विषय मात्र नभएर राज्यका अङ्गहरूबीच बढ्दो दूरीको संकेत भएको उल्लेख गर्दै नेता बस्नेतले प्रश्न उठाएका हुन् ।

उनले राष्ट्रपति उपस्थित हुने तर प्रधानमन्त्री र कानुनमन्त्रीसम्म अनुपस्थित हुनु लोकतान्त्रिक समन्वयको दृष्टिले राम्रो सन्देश नभएको उनको जिकिर छ ।

उनले व्यक्तिको अहंकारले राज्यका तीन अङ्ग व्यवस्थापिका, कार्यपालिका र न्यायपालिका बीच अविश्वास, टकराव र बढ्दै जाँदा त्यसको असर अन्ततः जनतामाथि पर्ने बताएका  छन् ।

उनले यसले संविधान कमजोर हुने, संस्थागत सन्तुलन बिग्रिने र शासन प्रणाली अराजकतातर्फ धकेलिने दाबि गरेका छन् । नेता बस्नेतले लोकतन्त्रमा असहमति भएपनि संवाद र सम्मान हराउन नहुने बताएका छन् ।