थाइल्यान्डबाट ल्याएको ८ किलो गाँजासहित म्यान्मारका दुई नागरिक पक्राउ

२०८३ भाद्र ०७ आइतवार

(समाचार)

सारांश

थाइल्यान्डबाट नेपाल ल्याइएको ८ किलो २३८ ग्राम गाँजासहित दुई म्यान्मार नागरिक पक्राउ परेका छन् ।

काठमाण्डौ, ०७ भाद्र । थाइल्यान्डबाट नेपाल ल्याइएको ८ किलो २३८ ग्राम गाँजासहित दुई म्यान्मार नागरिक पक्राउ परेका छन् ।

लागुऔषध नियन्त्रण ब्युरोले त्रिभुवन अन्तर्राष्ट्रिय विमानस्थलबाट खटिएको प्रहरी टोलीले शंकास्पद यात्रुमाथि निगरानी गर्ने क्रममा उनीहरूलाई पक्राउ गरेको हो । थाइल्यान्डको सुवर्णभूमिबाट नेपाल आएका उनीहरू नेपाल वायुसेवाको उडान नम्बर आरए ४०२ मार्फत काठमाडौँ आएका थिए ।

पक्राउ पर्नेमा म्यान्मारको याङ्गुनकी २७ वर्षीया ए थिदा आङ र २९ वर्षीय नाय थु रेन रहेका छन् । उनीहरूले सुटकेसभित्र लुकाएर गाँजा ल्याएको प्रहरीले जनाएको छ ।

प्रहरीले उनीहरूको साथबाट ८ किलो २३८ ग्राम गाँजा, दुई थान राहदानी र दुई थान मोबाइल बरामद गरेको छ । पक्राउ परेकामाथि थप अनुसन्धान भइरहेको प्रहरीले जनाएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट