नक्कली शैक्षिक प्रमाणपत्र पेश गरी नियुक्ति लिएका शिक्षकविरुद्ध मुद्दा दायर
२४ आषाढ़, २०८३, बुधवार
- ती नक्कली प्रमाणपत्रका आधारमा उनले माध्यमिक तह, तृतीय श्रेणी शिक्षक पदमा नियुक्ति लिई सरकारी ओहदा, तलब, भत्ता तथा अन्य सुविधा प्राप्त गरेको अनुसन्धानबाट देखिएको आयोगको भनाइ छ ।
काठमाडौँ: नक्कली शैक्षिक प्रमाणपत्र पेश गरी शिक्षक पदमा नियुक्ति लिएको आरोपमा सिरहाका एक शिक्षकविरुद्ध विशेष अदालतमा भ्रष्टाचार मुद्दा दायर गरिएको छ ।
अख्तियार दुरुपयोग अनुसन्धान आयोगका अनुसार सिरहाको धनगढीमाई नगरपालिकास्थित जनता माध्यमिक विद्यालय, बेतहा भवानीपुर मा माध्यमिक तह तृतीय श्रेणीका शिक्षकका रूपमा कार्यरत गुञ्जेश्वर मण्डलले पेस गरेका उच्च शिक्षा र स्नातक तहका शैक्षिक प्रमाणपत्र नक्कली रहेको उजुरीपछि अनुसन्धान गरिएको थियो ।
अनुसन्धानका क्रममा मण्डलले शिक्षक नियुक्तिका बेला भारतस्थित बिहार इन्टरमिडियट एजुकेसन काउन्सिल, पटनाबाट विज्ञान विषयमा उच्च माध्यमिक तह (आई.एस्सी.) तथा चौधरी चरण सिंह विश्वविद्यालय, मेरठबाट विज्ञान विषयमा स्नातक तह उत्तीर्ण गरेको भन्दै झुट्टा शैक्षिक प्रमाणपत्र पेस गरेको खुलेको अख्तियारले जनाएको छ ।
ती नक्कली प्रमाणपत्रका आधारमा उनले माध्यमिक तह, तृतीय श्रेणी शिक्षक पदमा नियुक्ति लिई सरकारी ओहदा, तलब, भत्ता तथा अन्य सुविधा प्राप्त गरेको अनुसन्धानबाट देखिएको आयोगको भनाइ छ ।
उक्त कार्य भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर भएकाले सोही व्यवस्थाअनुसार कैद र जरिवानाको माग गर्दै अख्तियारले बुधबार विशेष अदालत, काठमाडौँमा आरोपपत्र दायर गरेको जनाएको छ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
-
प्रधानमन्त्री शाह भारतको दुई दिने राजकीय भ्रमणमा आज जाँदै
-
आजको राशिफल: वि.सं. २०८३ मङ्सिर ६ गते आइतबार
-
प्रधानमन्त्रीको घोषणा- छैटौँ सिजनदेखि एनपीएल टिमका आफ्नै फ्लडलाइटसहितका रंगशाला हुन्छन्
-
लुम्बिनीलाई हराउदै सुदूरपश्चिम रोयल्सले जित्यो एनपीएल उपाधि
-
नवनियुक्त मुख्यमन्त्री यादवले भोलि बिहान शपथ लिने
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।