रुसले ईरानी हतियारहरू प्रयोग गरि हमला गरिरहेको जेलेन्स्कीको दावी

रुसी सेनाले आइतवार युक्रेनको ऊर्जा र पावर प्लान्टको पूर्वाधारलाई लक्षित गरी सयौं ड्रोन र मिसाइल हमला गरेको छ।

युक्रेनी राष्ट्रपति भ्लादिमिर जेलेन्स्कीले आक्रमणमा कम्तीमा १२० क्षेप्यास्त्र र ९० ड्रोन, ईरानमा बनेको हतियार सहितले आक्रमण गरेको बताएका छन् । युक्रेनी अधिकारीहरूका अनुसार यो कम्तिमा तीन महिनायता रुसबाट भएको सबैभन्दा लामो दूरीको आक्रमण भएको बताएका छन्।

कीभको वायुसेनाले १२० क्षेप्यास्त्रहरू मध्ये १०४ वटा नष्ट गरेको र ४२ ड्रोनहरू खसालेको बताएको छ। 

माइकोलाइभ, ओडेसा र निप्रोपेट्रोभस्कका क्षेत्रमा कम्तीमा सात जनाको मृत्यु भएको अधिकारीहरूले बताएका छन्।

युक्रेनका शहरहरू कीभ, ओदेसा, जापोरिज्हिया, क्रिभिई रिह, डिनिप्रो र पश्चिमी युक्रेनमा विष्फोटहरू भएका छन्।

युक्रेनमा चिसो बढ्दै जाँदा रुसले युक्रेनको ऊर्जा पूर्वाधारलाई बारम्बार निशाना बनाएको छ, जुन रणनीति मस्कोले अघिल्ला वर्षहरूमा गरेको थियो।

एजेन्सीको सहयोगमा