कुवेतमा रातभर भएको इरानको ड्रोन आक्रमण, विद्युत्, पानी र तेल संरचनामा ठूलो क्षति

काठमाडौँ: कुवेतमा रातभरि भएको इरानको ड्रोन आक्रमणका कारण विद्युत्, पानी र तेलसम्बन्धी संरचनामा ठूलो क्षति पुगेको छ। पछिल्ला केही दिनदेखि कुवैत र संयुक्त अरब इमिरेट्स इरानसँग जोडिएका आक्रमणका मुख्य लक्ष्य बनेका छन्।
 

कुवेतको रक्षा मन्त्रालयले ड्रोन आक्रमणमा दुई वटा विद्युत् तथा पानी प्रशोधन (डिसालिनेसन) केन्द्रमा क्षति पुगेको र यी संरचनामा भएको नोक्सानीका कारण आपूर्ति प्रणालीमा असर पर्ने देखिएको जानकारी दिएको छ ।
 

यसैबीच कुवेत पेट्रोलियम कर्पोरेसनले ड्रोन आक्रमणपछि शुवैख तेल क्षेत्र परिसरमा आगलागी भएको जानकारी दिएको छ। आगो नियन्त्रणमा ल्याउने प्रयास जारी रहेको बताइएको छ।
 

यी देशहरूले हरेक वर्ष ठूलो रकम रक्षा क्षेत्रमा खर्च गर्दै आएका भए पनि अहिलेको अवस्थामा तनाव कम गर्दै वार्तामार्फत समाधान खोज्ने प्राथमिकता रहेको बताएका छन् ।