ह्वाईटहाउसमा आक्रोशपूर्ण वार्ता, युक्रेन निरिह बन्दै

राष्ट्रपति डोनाल्ड ट्रम्पले युक्रेनी राष्ट्रपति भ्लादिमिर जेलेन्स्कीप्रती गरेको आफ्नो हालैको आलोचना फिर्ता लिँदै उनीहरूबीचको सम्बन्ध मिलाउने प्रयास गरिरहेका थिए । यहाँसम्म कि उनले जेलेन्स्कीलाई "तानाशाह" भनेकोमा आफैले विश्वास गर्न सकिन्न भनेर त्यसलाई सच्याएका थिए।  

तर हिजो ट्रम्प र जेलेन्स्कीबीच आक्रोशपूर्ण भेटघाट भयो जसमा युक्रेनी राष्ट्रपतिलाई ह्वाइट हाउस छाड्न भनिएको छ भने संयुक्त प्रेस कन्फ्रेन्स पनि रद्द गरिएको छ। 

प्रेस पूल स्प्रेयर अगाडि भएको यो ट्रम्प-जेलेन्स्की भेटघाट (जसमा उपराष्ट्रपति जेडी भान्स पनि सामेल थिए) मा कुनै पूर्वतयारी थिएन। सरकार प्रमुखहरू प्रायः क्यामेरा अगाडि यसरी कलह गर्दैनन्। तर उक्त भेटमा, ट्रम्पले जेलेन्स्कीमाथी "तेस्रो विश्व युद्धसँग जुवा खेल्ने?" भन्ने जस्ता आरोप लगाए । साथै उनले युक्रेनसँग रूस विरुद्धको युद्ध जारी राख्न "कार्ड" समेत नभएको बताए । 

"ट्रम्पले यसभन्दा अगाडि बढ्दै, 'ट्रुथ सोसल' मा एउटा पोष्ट गरेर जेलेन्स्कीमाथि "अमेरिकाको अनादर गरेको" आरोप लगाए। 

तर उक्त पोस्टले विशेष रूपमा युक्रेन शान्तिको लागि तयार भएको अवस्थामा उनि पुन: फर्कन सक्ने उल्लेख पनि गरेका छन्। 

जेलेन्स्कीले भने यो मनमुटाव मेटाउन पूरै प्रोत्साहन गरेका छन्। ह्वाइट हाउस छोडेको केही समयपछि, उनले ट्वीट मार्फत शान्ति प्रस्ताव गरेका छन् । 

मुख्य कुरा भनेको ट्रम्पले युक्रेनतिर जाने अमेरिकी हतियारमा कटौती गर्छन् कि गर्दैनन् भन्ने हो। डिसेम्बरमा उनले कार्यभार सम्हालेपछि युक्रेनलाई दिइने अमेरिकी सैनिक सहयोग घटाउन सकिने बताए पनि यो अहिलेसम्म भएको छैन। युक्रेनले रूसलाई रोक्न सक्ने क्षमता अमेरिकी हतियारको सहयोगमा निर्भर छ। यदि यो रोकियो भने सबै कुरा परिवर्तन हुन्छ। युरोपले यो कमी पूरा गर्न सक्दैन। त्यसैले ट्रम्प (र जेडी भान्स) र जेलेन्स्कीबीचको कलहपुर्ण बहस मुख्य समाचार बने पनि, त्यो छलफल भन्दा आगामी दिनमा कस्ता कार्यहरू हुन्छन, त्यो महत्त्वपूर्ण हुन्छ। 

ट्रम्पलाई शायद आजको जेलेन्स्कीसँगको वार्तालापमा आफ्नै जित भएको विश्वास छ। तर उनले युक्रेन युद्ध अन्त्य गर्ने वार्ता प्रक्रिया जटिल बनाउन सकिने देखिएको छ । रुसी राष्ट्रपति भ्लादिमिर पुटिनले आफूले राखेका शर्तहरू बाहेक अरू कुनै पनि शर्तमा सहमत हुनेमा शंका छ । यसमा युक्रेनले रूसले पहिले नै कब्जा गरेको भन्दा बढी क्षेत्र छोड्नुपर्ने माग समावेश छ। ट्रम्पले जेलेन्स्कीलाई गरेको आलोचनाले पुटिनलाई दृढ रहन प्रोत्साहन दिएको छ—उनलाई आफ्नो माग पूरा हुन सक्ने विश्वास बढेको हुनसक्छ । 

ट्रम्पको जेलेन्स्कीसँगको उक्त सार्वजनिक मतभेदपूर्ण छलफल कुनै अन्तराष्ट्रिय कुटनीतिक मर्यादासँग मेल खाँदैन।