जापानको चुनाव, कुनैपनि दलले पाएन बहुमत

जापान (टोकियो) । विश्वको चौथो ठूलो अर्थतन्त्रको नेतृत्व गर्ने स्पष्ट जनादेश नभएका प्रधानमन्त्री शिगेरु इसिबाको सत्तारूढ गठबन्धनलाई जापानीहरुले दण्ड दिएको छ ।

इशिबाको लिबरल डेमोक्र्याटिक पार्टी (एलडीपी) र यसको गठबन्धन साझेदार कोमितोले संसदको तल्लो सदनमा २१५ सिट मात्र जितेको छ, अघिल्लो चुनावमा यो सदनमा २७९ सिट जित्न सफल भएको थियो । दुई क्याबिनेट मन्त्री र कोमितोका नेता केइची इसिले चुनाव हारेका छन् । इशिबाले अब साना दलाहरुसङ्ग पनि मोलमोलाई र सम्झौता गर्नुपर्ने देखिन्छ ।

सबैभन्दा ठूलो विजेता, मुख्य विपक्षी कन्स्टिट्युशनल डेमोक्र्याटिक पार्टी अफ जापान (सिडिपिजे) ले १४८ सिट जितेको छ, जुन अघिल्लो ९८ भन्दा बढी हो, यद्यपि बहुमतको लागी २३३ सिट आवश्यक पर्दछ ।

इशिबाले दिउँसो २ बजे पत्रकार सम्मेलन गर्ने कार्यक्रम छ (०५०० जिएमटी)। जापानी मिडियाका अनुसार,  एलडीपीले बहुमत पुऱ्याई सरकार नेतृत्त्व गर्न नोभेम्बर ७ मा संसद् बोलाउने योजना बनाएको छ ।

जापानको चुनावको यो परिणामले एक दृढ चीन र आणविक हतियारयुक्त उत्तर कोरियासङ्गको सम्बन्ध कसरी अगाडी बढ्ला त्यो भने हेर्न बाँकी छ ।