काठमाडौँमा आज ६ हजार ८०२ सिलिन्डर ग्यास बिक्री, भोलि सात स्थानबाट वितरण हुने

३० श्रावण, २०८३, शनिवार

(अर्थ/वाणिज्य)

सारांश

प्राथमिकतामा राखेर ग्यास उपलब्ध गराउने व्यवस्था गरिएको निगमले जनाएको छ ।

काठमाडौँ: नेपाल आयल निगमले काठमाडौँमा अत्यावश्यक भएका उपभोक्तालाई शनिबार विभिन्न पाँच बिक्री केन्द्रबाट ६ हजार ८०२ सिलिन्डर एलपी ग्यास प्रत्यक्ष बिक्री गरेको जनाएको छ ।

निगमका अनुसार टेकुस्थित निगम परिसर, चाबहिलको यातायात कार्यालय, कीर्तिपुर र बसुन्धरास्थित राधास्वामी परिसर तथा बबरमहलस्थित पुरानो जिल्ला प्रशासन कार्यालय परिसरबाट विभिन्न ब्रान्डका ग्यास बिक्री गरिएको हो ।

बिक्रीका क्रममा केही ब्रान्डका ग्यास सिलिन्डर मागअनुसार नपुगेपछि तोकिएको समयमा बिक्री केन्द्रमा पुगेका तर ग्यास लिन नसकेका उपभोक्तालाई कुपनमार्फत भोलि पहिलो प्राथमिकतामा राखेर ग्यास उपलब्ध गराउने व्यवस्था गरिएको निगमले जनाएको छ ।

यसैबीच, निगमले आइतबार काठमाडौँ उपत्यकाका सात स्थानबाट अत्यावश्यक भएका उपभोक्तालाई एलपी ग्यासका सिलिन्डर बिक्री गर्ने जनाएको छ । निगमले यससम्बन्धी सूचना समेत सार्वजनिक गरिसकेको छ ।

ग्यास लिन जाने उपभोक्ताले आवश्यक परिचयपत्रसहित तोकिएका बिक्री केन्द्रमा उपस्थित हुनुपर्नेछ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट