पर्यटन बोर्डको सीईओ नियुक्तिका लागि १६ जना उम्मेदवार संक्षिप्त सूचीमा

काठमाडौँ: नेपाल पर्यटन बोर्डको प्रमुख कार्यकारी अधिकृत (सीईओ) पदमा नियुक्तिका लागि १६ जना उम्मेदवार संक्षिप्त सूचीमा छनोट भएका छन्।

बोर्डको कार्यकारी प्रमुख छनोट तथा नियुक्ति सिफारिस कार्यविधि, २०८३ अनुसार प्राप्त आवेदनहरूको मूल्यांकनपछि सबैभन्दा बढी अंक हासिल गर्ने १६ जना उम्मेदवारलाई शुक्रबार संक्षिप्त सूचीमा समावेश गरिएको हो।

सीईओ पदका लागि संक्षिप्त सूचीमा पर्नेहरूमा आयुतोष प्रधान (चितवन), उत्तमप्रसाद देवकोटा (चितवन), टेकबहादुर महत (इलाम), धर्मराज ढवाडी (चितवन), नोजल कोइराला (मोरङ), युबिका भण्डारी (काठमाडौं), राजाराम केसी (काठमाडौं), रामचन्द्र सेढाईं (गोरखा), रोहिणीप्रसाद खनाल (भक्तपुर), लक्ष्मण गौतम (दाङ), विनोद अर्याल (पाल्पा), श्रद्धा श्रेष्ठ (ताप्लेजुङ), श्रीप्रसाद भट्टराई (रुपन्देही), सन्तोष विक्रम थापा (काठमाडौं), सुरेश सिंह बुढाल (बैतडी) र हिक्मत सिंह ऐर (कञ्चनपुर) रहेका छन्।

नेपाल पर्यटन बोर्डको सीईओ छनोट उपसमितिले शुक्रबार जारी गरेको सूचनाअनुसार संक्षिप्त सूचीमा परेका उम्मेदवारहरूले आगामी मंसिर १० गतेभित्र आफ्नो कार्ययोजनासहित व्यावसायिक प्रस्तुतीकरण दिनुपर्नेछ।

प्रस्तुतीकरणका आधारमा छनोट प्रक्रिया थप अघि बढाइनेछ।