एन्टिगा एन्ड बारबुडा फाल्कन्सले जित्यो पहिलो सीपीएल उपाधि
५ असोज, २०८३, सोमवार
- एन्टिगा एन्ड बारबुडा फाल्कन्सले क्यारेबियन प्रिमियर लिग (सिपिएल) को उपाधि जितेको छ
काठमाडौँ । एन्टिगा एन्ड बारबुडा फाल्कन्सले क्यारेबियन प्रिमियर लिग (सिपिएल) को उपाधि जितेको छ । सोमबार बिहान सम्पन्न फाइनलमा प्रतियोगिताको पहिलोपटक फाइनल पुगेको जमैका किङ्समेनलाई आठ विकेटले पराजित गर्दै फाल्कन्सले आफ्नो तेस्रो सिजनमै पहिलो उपाधि जितेको हो ।
पहिले ब्याटिङ गरेको जमैका किङ्समेनले माज सादाकतको ११४ रनको उत्कृष्ट इनिङ्सका बाबजुद २० ओभरमा ९ विकेट गुमाएर १७० रन बनाएको थियो । सादाकतले ५८ बलमा नौ छक्का र आठ चौकासहित ११४ रन बनाए । तर अन्य ब्याटरले अपेक्षाअनुसार प्रदर्शन गर्न नसक्दा टोली ठूलो योगफल बनाउनबाट रोकिएको थियो । फाल्कन्सका सफियान मोकिमले चार विकेट लिएका थिए ।
१७१ रनको लक्ष्य पछ्याएको फाल्कन्सले १६ ओभर ४ बलमै दुई विकेट गुमाएर लक्ष्य पूरा गर्यो । अमिर जाङ्गु र हसन नवाजले अविजित ८९ रनको साझेदारी गर्दै टोलीलाई सहज जित दिलाए । जाङ्गुले अविजित ५७ तथा नवाजले अविजित ४७ रन बनाए ।
यसअघि रहकीम कर्नवालले सुरुआती ओभरमै दुई चौका र दुई छक्का प्रहार गर्दै २० रन जोडेर फाल्कन्सलाई आक्रामक सुरुआत दिलाएका थिए । दोस्रो विकेटका लागि एभिन लुइस र जाङ्गुले ६४ रनको साझेदारी गरेपछि फाल्कन्सले खेलमा पूर्ण नियन्त्रण बनाएको थियो । प्रतियोगिताका उत्कृष्ट खेलाडी घोषित शादाब खानले फाल्कन्सका लागि १३२ रन बनाउनुका साथै ११ विकेट लिएका थिए ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
अफ्रिकी जंगली कुकुरको चार हजार किलोमिटरको कीर्तिमानी यात्रा !
अफ्रिकी जंगली कुकुरको एउटा समूहले जाम्बियामा करिब ४ हजार किलोमिटरको कीर्तिमानी यात्रा गरेको छ । वैज्ञानिकहरूका अनुसार यो अफ्रिकाको कुनै पनि स्थल स्तनधारीले जोडीको खोजीमा गरेको अहिलेसम्मकै सबैभन्दा लामो यात्रा हो ।
