चेन्नई सुपर किङ्स र स्टेफन फ्लेमिङको १७ वर्ष लामो सहकार्य समाप्त
२९ आषाढ़, २०८३, सोमवार
- टोलीबाट बिदा हुँदै फ्लेमिङले चेन्नई सुपर किङ्ससँग बिताएको समय आफ्नो प्रशिक्षक जीवनकै सबैभन्दा महत्वपूर्ण यात्रा भएको प्रतिक्रिया दिएका छन्। उनले टोलीसँग मिलेर अविस्मरणीय जित, चुनौतीपूर्ण समय र धेरै सम्झनाहरू सँगालेको उल्लेख गर्दै चेन्नई सुपर किङ्स सधैं आफ्नो हृदयको नजिक रहने बताएका छन् ।
काठमाडौँ: इन्डियन प्रिमियर लिग (आइपिएल) को सफल टोली चेन्नई सुपर किङ्स (सीएसके) र मुख्य प्रशिक्षक स्टेफन फ्लेमिङले आपसी सहमतिमा सहकार्य अन्त्य गरेका छन् । फ्रेन्चाइज व्यवस्थापन र फ्लेमिङबीच भएको छलफलपछि उनी १७ वर्ष लामो प्रशिक्षक यात्रापछि टोलीबाट अलग हुने निर्णयमा पुगेका हुन् ।
न्युजिल्यान्डका पूर्वकप्तान फ्लेमिङ सन् २००८ मा पहिलो संस्करणको इन्डियन प्रिमियर लिगमा खेलाडीका रूपमा चेन्नई सुपर किङ्ससँग आबद्ध भएका थिए । त्यसको एक वर्षपछि उनले मुख्य प्रशिक्षकको जिम्मेवारी सम्हालेका थिए । उनको प्रशिक्षणमा चेन्नई सुपर किङ्सले पाँच पटक इन्डियन प्रिमियर लिगको उपाधि जित्नुका साथै दुई पटक च्याम्पियन्स लिग टी-२० को उपाधि पनि आफ्नो नाममा लेखाएको थियो । टोलीले १२ पटक प्लेअफमा स्थान बनाउँदा १० पटक फाइनलसम्मको यात्रा तय गरेको थियो ।
चेन्नई सुपर किङ्सकी मालिक रूपा गुरुनाथले फ्लेमिङलाई फ्रेन्चाइजको सफलताको प्रमुख आधारमध्ये एक भएको बताएकी छन् । उनले करिब दुई दशकसम्म फ्लेमिङले टोलीको पहिचान, सोच र उत्कृष्टतालाई नयाँ उचाइमा पुर्याएको उल्लेख गर्दै उनको नेतृत्व र समर्पणप्रति आभार व्यक्त गरिन्। मैदानमा सहकार्य अन्त्य भए पनि फ्लेमिङ सधैं टोलीको इतिहास र विरासतको अभिन्न हिस्सा रहने उनले बताइन् ।
टोलीबाट बिदा हुँदै फ्लेमिङले चेन्नई सुपर किङ्ससँग बिताएको समय आफ्नो प्रशिक्षक जीवनकै सबैभन्दा महत्वपूर्ण यात्रा भएको प्रतिक्रिया दिएका छन्। उनले टोलीसँग मिलेर अविस्मरणीय जित, चुनौतीपूर्ण समय र धेरै सम्झनाहरू सँगालेको उल्लेख गर्दै चेन्नई सुपर किङ्स सधैं आफ्नो हृदयको नजिक रहने बताएका छन् ।
चेन्नई सुपर किङ्सले पछिल्ला तीन संस्करणमा भने अपेक्षित प्रदर्शन गर्न सकेको छैन । टोलीले सन् २०२३ मा पछिल्लोपटक उपाधि जितेपछि लगातार तीन सिजन प्लेअफमा स्थान बनाउन असफल भएको छ। सन् २०२४ मा पाँचौँ, २०२५ मा दशौँ र २०२६ मा आठौँ स्थानमा रहेर टोलीले प्रतियोगिताको यात्रा समूह चरणमै टुंग्याएको थियो ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
विश्वकपबाट चर्चा आएको केप भर्डे कहाँ छ, यो कस्तो देश हो ?
सीमित स्रोत र कठिन परिस्थितिबीच पनि यो देश आज फुटबलको माध्यमबाट विश्वभर आफ्नो पहिचानको दायरा बढाउन सफल भएको छ ।
