मधेश प्रदेशको बजेटमा सांसद भन्दा बिचौलियाको योजना बढी : सांसद यादव

२०८२ असार ११ बुधवार
सारांश
  • बुधबार बसेको मधेश प्रदेश सभाको बैठकमा बोल्दै सांसद यादवले बजेटमा बिचौलियाको योजना सांसदले दिएको योजना भन्दा बढी रहेको रेड बुकले अक्षरस्त प्रमाणित गरेको बताएका हुन्।

जनकपुर :जनता समाजवादी पार्टी नेपालका सांसद रामअशिस यादवले मधेश प्रदेश सरकारले ल्याएको बजेटमा बिचौलियाको योजना बढी रहेको आरोप लगाएका छन् । 


बुधबार बसेको मधेश प्रदेश सभाको बैठकमा बोल्दै सांसद यादवले बजेटमा बिचौलियाको योजना सांसदले दिएको योजना भन्दा बढी रहेको रेड बुकले अक्षरस्त प्रमाणित गरेको बताएका हुन्। 


उनले योजना बाँडफाँटमा मन्त्रीहरुले खुलेआम मनमौजी गरेको आरोपसमेत लगाएका छन् । सांसद यादवले बजेटमा बहुवर्षीय र दिर्घकालीन योजनहरु समेटिनुको साटो पूर्व सरकारले बनाएको ट्रयक भन्दा अहिलेको प्रदेश सरकार एक पाइला पनि अघि बढ्न नसकेको बताए । 


उनले जटहीदेखि जनकपुर र भिठ्ठामोडदेखि जनकपुरसम्म कंन्क्रिटको देवाल निर्माण गरी मिथिला पेन्टिङको प्रवद्र्धन गर्न डिपिआर तयार गने प्रदेश सरकारले बजेट हालेको कुरा हास्यास्पद रहेको बताए । उनले यो खुलेआम पैसा खोन मधेश प्रदेश सरकारको मनसाय झल्काएको आरोप लगाएका छन् ।


सांसद यादवले हरित प्रदेश बनाउनुको साटो मधेश प्रदेश सरकारले कंन्क्रिट प्रदेश बनाउन खोजेको बताए । मेधश प्रदेशका जनताले चाहेको र अपेक्षा गरेको कुनै कुरा बजेटमा समावेश नगरिएको सांसद यादवले बताए । 


उनले अहिले विनियोजन विधेयक पास हुन बाँकी रहेकाले अहिले पनि बजेटमा परिमार्जन गर्न सकिने सुझाव दिएका छन् ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

थप समाचार