कांग्रेस महाधिवेशन: दुई घण्टामा १ हजार २९३ मत खस्यो

काठमाडौँ : नेपाली कांग्रेसको १५औँ महाधिवेशनअन्तर्गत केन्द्रीय कार्यसमिति चयनका लागि मतदान जारी छ ।

केन्द्रीय निर्वाचन  समितिका अनुसार बिहान ८: ३० देखि १०: ३० बजेसम्म दुई घण्टाको अवधिमा १ हजार २९३ मत खसेको छ ।

निर्वाचन समितिले सार्वजनिक गरेको विवरणअनुसार कोशी प्रदेशबाट २२२, सुदूरपश्चिम र कर्णालीबाट २५७, लुम्बिनीबाट २०२, गण्डकीबाट १८८, बागमतीबाट २१७ र मधेश प्रदेशबाट २०७ मत खसेको छ ।

कांग्रेसको १५औँ महाधिवेशनअन्तर्गत केन्द्रीय कार्यसमितिका पदाधिकारी तथा सदस्य चयनका लागि मतदान भइरहेको छ । निर्वाचन समितिले ३ बजेसम्म मतदानको समय तोकेपनि नसकिएमा समय बढाउने बताएको छ ।

प्रतिनिधिहरूको सहजताका लागि प्रदेश र प्रतिनिधित्वको आधारमा छुट्टाछुट्टै मतदान केन्द्रको व्यवस्था गरिएको छ ।

जस अनुसार राष्ट्रिय सभागृह, खुलामञ्च र प्रज्ञा भवनमा मतदान केन्द्र तोकिएको छ ।