राप्रपाको आज ६ प्रदेशमा अधिवेशन हुदै

काठमाडौं : राष्ट्रिय प्रजातन्त्र पार्टीले स्थानीय तह र जिल्ला तहको अधिवेशनपछि आज ६ प्रदेशमा प्रदेश अधिवेशन हुदै छ । 

पार्टीका प्रवक्ता मोहनकुमार श्रेष्ठका अनुसार आज बागमती प्रदेश बाहेक कोशी प्रदेश, मधेश प्रदेश, गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशमा हुने प्रदेशमा प्रदेश अधिवेशन हुदै छ ।

जसअनुसार कोशीमा भरत पाठक, मधेसमा राजाराम श्रेष्ठ, गण्डकीमा अमृत पुडासैनी लुम्बिनीमा निर्वाचन समितिका अध्यक्ष तोरणबहादुर गुरुङ, कर्णालीमा रमानन्द न्यौपाने र सुदूरपश्चिममा निर्वाचन समितिका सदस्य सचिव श्यामबहादुर शाहीलाई केन्द्रीय निर्वाचन प्रतिनिधि तोकिएको छ ।

राप्रपाले प्रदेश अधिवेशनपछि केन्द्रीय महाधिवेशन प्रतिनिधि छनोट गर्ने र आगामी मंसिर २६, २७ र २८ गते काठमाडौँमा केन्द्रीय महाधिवेशन गर्ने निर्णय यसअघि नै गरिसकेको छ ।