सरकारले ल्याएको अध्यादेश बारे काँग्रेसले विपक्षी दलहरूसँग छलफल गर्ने

काठमाण्डौ, १६ वैशाख । सरकारको अध्यादेश ल्याउने निर्णय बारे नेपाली कांग्रेसले विपक्षी दलहरूसँग छलफल गर्ने भएको छ ।

सिंहदरबारस्थित कांग्रेस संसदीय दलको कार्यालयमा आज अपराहन्न १२ बजे काँग्रेसले नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीसहितका विपक्षी दलहरुसँग छलफल गर्ने भएको हो ।

सरकारले संसद छलेर दुई अध्यादेश ल्याउने निर्णय गर्दै राष्ट्रपतिको कार्यालयमा पठाएपछि विरोध शुरु भएको छ । सरकारले मंगलबार संवैधानिक परिषद् र सहकारी समस्या समाधानसम्बन्धी अध्यादेश प्रमाणीकरणका लागि राष्ट्रपति रामचन्द्र पौडेललाई पठाइएको छ भने राष्टपतिबाट जारी हुन बाँकी रहेको छ ।