अस्पतालले भन्यो- रवि लामिछानेको अवस्थ सामान्य छ

काठमाडौँ : राष्ट्रिय स्वतन्त्र पार्टी (रास्वपा) का सभापति रवि लामिछानेको स्वास्थ्य अवस्था बारे त्रिवि शिक्षण अस्पताल महाराजगन्जले जानकारी दिएको छ ।

अस्पतालले लामिछानेलाई माघ ५ गते जनकपुरको कार्यक्रममा देब्रे खुट्टामा चोट लागेको तथा औषधि सेवन गर्दा पनि सन्चो नभएर सेलुलाइटिस भएको कारणले माघ १३ गते यस अस्पतालमा हाडजोर्नी विभाग अन्तर्गत भर्ना भएको जानकारी दिएको छ ।

साथै नशाबाट आइभी एन्टिबायोटिक्सको माध्यमबाट उपचार भईरहेको जानकारी दिदै अस्पतालले उनको अवस्था अहिले सामान्य रहेको बताएको छ ।

साथै अस्पतालले सामाजिक सञ्जालमा सार्बजनिक भएका तस्बीरहरु यस अस्पतालको नरहेको जानकारी पनि जानकारी गराएको छ ।