कविताले ऐनाको रुपमा काम गर्छ: गगन थापा

काठमाडौं: नेपाली काङ्ग्रेसका महामन्त्री गगन थापाले कविताले सबैलाई ऐनाका रुपमा काम गर्ने बताएका छन् ।

शुक्रबार काठमाडौंमा आयोजित कवि बिसुकुमार केसीको ‘पागल हुन कहाँ सजिलो छ र ?’ कविता संग्रह सार्वजनिक कार्यक्रममा उनले यो कविता संग्रहमा भएको कविताहरु कस्तो नराम्रो जस्तो लाग्न सके पनि त्यसले सबैलाई ऐना देखाउने काम गरेको बताए । 

उनले भने, ‘विसु दाईको यो जुन कविताहरु छन् यसले सबैलाई ऐना देखाएको छ । हामीले कविता पढ्दै गर्दा कस्तो नराम्रो जस्तो लाग्न सक्छ तर त्यसले हामीलाई ऐना देखाउने काम गरेको छ ।’

यस्तै, उनले साहित्यको सबैभन्दा गहिरो र गाह्रो विधा भनेको कविता भएको भन्दै कविता सिर्जना गर्नको लागि गहिरो चेतना भएको दिमाग हुनुपर्ने बताए । 

कविहरुको दिमाग भरिएको हुन्छ तर खल्ती खाली हुने भन्दै कार्यक्रममा उपस्थित सबैले किताब किनेर लान पनि उनले आग्रह गरेका छन् ।