चार वर्षीय कार्यकाल पूरा गरी बिदा हुदैँ राससका महाप्रबन्धक राई

काठमाडौं : राष्ट्रिय समाचार समितिका महाप्रबन्धक सिद्धराज राई आफ्नो चार वर्षीय कार्यकाल पूरा गरी बिदा भएका छन् ।      

सोमबार राससले महाप्रबन्धक राईलाई सम्मानसहित विदाइ गरको हो । राई २०७८ असार १० गते राससको महाप्रबन्धक पदमा चार वर्षका लागि नियुक्त भएका थिए । 

उनले रासस छोड्ने क्रममा चार वर्षसम्म गरेको सबै कार्य राससको हितको लागि भएको भन्दै यसको विकास र समृद्धिकको लागि राससकर्मी र भावी नेतृत्वमा समन्वय, एकता र समझ्दारीको आवश्यकता रहेको बताए । 

उनले भने, ‘मैले राससमा जे जति काम गरे । ती सबै कार्य राससको हितमा गरे भन्ने मेरो बुझाई छ । मैले जानीजानी संस्थाको अहितमा कुनै काम गरिन, अन्जानमा गरेको भएपनि मेरो जानकारीमा छैन । आज रासस नेपाली मिडियाको लागि अपरिहार्य बन्दै गएको छ । यसको विकास र समृद्धिकको लागि राससकर्मी र भावी नेतृत्वमा समन्वय, एकता र समझ्दारीको आवश्यकता रहेको छ । यो कार्य आगमी नेतृत्वमा देख्न पाइयोस ।’

 
सो अवसरमा रासस व्यवस्थापन र राससका पेशागत सङ्घ सङ्गठनकोतर्फबाट महाप्रबन्धक राईलाई मायाको चिनो पनि प्रदान गरिएको थियो ।