ललितपुर महानगरले ल्यायो ७ अर्ब ४८ करोडको बजेट

ललितपुर: ललितपुर महानगरपालिकाले आगामी आर्थिक वर्ष २०८३/०८४ का ७ अर्ब ४८ करोड ८७ लाखको बजेट ल्याएको छ ।

बुधबार नगरसभामा उपप्रमुख मञ्जली शाक्य बज्राचार्यले आगामी आर्थिक बर्षको बजेट प्रस्तुत गरेकी हुन् । 

जस अनुसार चालु खर्चतर्फ २ अर्ब ९६ करोड ६४ लाख तथा पुँजीगत खर्चतर्फ ४ अर्ब ५० करोड ७७ लाख रहेको छ । महानगरले जेठ मसान्तसम्म कुल ३ अर्ब ४३ करोड ७६ लाख अर्थात् ५१.२ प्रतिशत बजेट खर्च भएको जनाएको छ । जसमध्ये चालुतर्फ ७२ प्रतिशत र पुँजीगततर्फ ४१ प्रतिशत खर्च भएको छ । 

महानगरले आगामी वर्षका लागि स्थानीय कला, संस्कृति तथा सम्पदाको संरक्षण र प्रवर्धन विपद् जोखिम न्यूनीकरण, वातावरण संरक्षण तथा हरियाली प्रवर्धन जस्ता विषयलाई प्राथमिकता दिएको छ ।