- गत बर्षको मार्च महिनामा भन्दा यस बर्षको मार्चमा नेपाल आउने विदेशी पर्यटकको संख्या १ प्रतिशतले घटेको नेपाल पर्यटन बोर्डले जानकारी दिएको छ ।
काठमाण्डौ, १९ चैत्र । नेपालमा विदेशी पर्यटकको अगामन मार्च महिनामा १ प्रतिशतले घटेको छ । गत बर्षको मार्च महिनामा भन्दा यस बर्षको मार्चमा नेपाल आउने विदेशी पर्यटकको संख्या १ प्रतिशतले घटेको नेपाल पर्यटन बोर्डले जानकारी दिएको छ ।
यस बर्षको मार्चमा कुल एक लाख २० हजार ५१६ विदेशी पर्यटक आएका छन् भने अघिल्लो बर्षको मार्चमा एल लाख २१ हजार ६८७ पर्यटक नेपाल आएका थिए । कोभिड शुरु हुनु अघि २०१९ को मार्चमा यो संख्या एक लाख २७ हजार ३५१ रहेको थियो ।
मार्च महिनामा नेपाल आउने विदेशी पर्यटकमा सबै भन्दा बढी भारतबाट नेपाल आएका छन् । भारतबाट मार्चमा २५ हजार ७२८ जना अर्थात २१.३ प्रतिशत पर्यटक नेपाल आएका छन् । त्यस्तै मार्चमा चीनबाट दोस्रो धेरै ११ हजार २२० पर्यटक नेपाल आएको बोर्डले जानकारी दिएको छ ।
त्यसैगरी श्रीलंकाबाट १० हजार ७५९ , अमेरिकाबाट ७ हजार ९७४ जना, म्यानमारबाट ६ हजार २० जना, अस्ट्रेलियाबाट ४ हजार ८४५ जना, बेलायतबाट ४ हजार ८१४ जना र बंगलादेशबाट ४ हजार ६७६ पर्यटक मार्च महिनामा नेपाल आएका छन् ।
पर्यटन बोर्डका अनुसार सार्क देशबाट कुल ४२ हजार ६६८, एशियाका अन्य देशबाट ३३ हजार ४३६ जना, युरोपबाट २० हजार ८७६ जना, अमेरिका क्षेत्रबाट १० हजार ३७४ जना, ओसिनियाबाट ५ हजार २२५ जना मार्च महिनामा नेपाल आएका छन् ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
मध्यपूर्वको युद्ध, तेलको मूल्य वृद्धि र समुन्द्री मार्ग होर्मुजको रणनैतिक महत्व
यो जलमार्ग करिब ५० किलोमिटर (३१ माइल) चौडा प्रवेशद्वारबाट सुरु हुन्छ र यसको सबैभन्दा साँघुरो बिन्दु मात्र ३३ किलोमिटर चौडा छ। यही साँघुरो गलियाराले फारसको खाडीलाई अरब सागरसँग जोड्छ।
