दुई दिनदेखि कहाँ हरायो गोरखाबाट काठमाडौं छुटेको बस?

शुक्रबार बिहान ना ४ ख २२७० नम्बरको दरौदी यातायात सेवा कम्पनीको बस काठमाडौंका लागि छुटेको बस बेपत्ता भएको छ।

धार्चे गाउँपालिका- ७ लापुबेंसीबाट बिहान ७ बजेपछि काठमाडौंका लागि छुटेको बस यात्रुसहित बेपत्ता भएको हो।

जिल्ला प्रहरी कार्यालय गोरखाका सूचना अधिकारी डिएसपी रमेशकुमार श्रेष्ठका अनुसार सुरुमा ४ जना यात्रु चढेको प्रहरीले विवरण छ।

‘त्यसपछि कति जना चढे कुनै जानकारी छैन। बेपत्ता भएपछि खोजी कार्य भइरहेको छ,’ उनले भने। दरौदी यातायात प्रालीले पनि बसको खोजीका लागि आग्रह गरेको छ।

नियमित काठमाडौं ओहोरदोहोर गर्ने बसका चालक सहचालकसमेत सम्पर्कमा नरहेको उनले सुनाए। डिएसपी श्रेष्ठले भने,’पहिरोमा परेको हुनसक्ने प्रारम्भिक अनुमान गरेका छौं।’

पृथ्वी राजमार्गको नौबिसे-नागढुंगा सडकखण्डको झ्याप्ले खोलामा पुरिएको अवस्थामा बसको निकाल्ने प्रायस भइरहेको छ।

नम्बरप्लेटसमेत नदेखिएकाले गोरखाबाट छुटेर हराइरहेको बस हुन सक्ने आशंका गरिएको छ।