भारतको महाराष्ट्रका उपमुख्यमन्त्री अजित पवारको विमान दुर्घटनामा निधन

काठमाडौँ : भारतको महाराष्ट्रका उपमुख्यमन्त्री अजित पवारको विमान दुर्घटनामा निधन भएको छ । 

बुधबार बिहान विमान अवतरण गर्ने क्रममा दुर्घटनाग्रस्त भएको समाचार एजेन्सी एएनआईले जानकारी दिएको छ । 

दुर्घटनामा उपमुख्यमन्त्री अजित पवारको मृत्यु भएको छ भने यस दुर्घटनामा अन्य पाँच जनाको पनि ज्यान गएको उल्लेख छ । विमानमा अजित पवारसहित उनका निजी सहायक, सुरक्षाकर्मी र उडान परिचारिका सहित पाँच जना रहेको बताइएको छ ।अजित पवार आज जिल्ला परिषद्को चुनावको सन्दर्भमा आयोजित जनसभालाई सम्बोधन गर्न बारामती पुगेका थिए ।

पवार चार्टर्ड विमानबाट मुम्बईबाट बारामती गएका थिए । अवतरण गर्ने क्रममा विमान धावनमार्गबाट ​​चिप्लिएको बताइएको छ ।