इजरायली सेनाको यमनमा अहिलेसम्मकै 'सबैभन्दा ठूलो हमला'

एजेन्सी, १० असोज । इजरायली सेनाले यमनमा अहिलेसम्मकै 'सबैभन्दा ठूलो हमला' गरेको दाबी गरेको छ ।

यो हुथी विद्रोहीहरूले बारम्बार गरेको ड्रोन र मिसाइल आक्रमणको प्रतिक्रियामा भएको बताइएको छ । इजरायली रक्षा बलले राजधानी सानामा दर्जनौं विमानहरूले हुथी सुरक्षा र गुप्तचर सेवाहरू र सैन्य लक्ष्यहरूमा बमबारी गरेको रिपोर्ट गरेको छ ।

हुथी सरकारद्वारा सञ्चालित स्वास्थ्य मन्त्रालयले इजरायलद्वारा गरिएको आक्रमणलाई 'क्रूर अपराध' को रूपमा वर्णन गरेको छ ।

मन्त्रालयले आक्रमणले नागरिक र आवासीय भवनहरूलाई लक्षित गरेको र आठ जनाको मृत्यु भएको बताएको छ ।

इजरायलद्वारा गरिएको यो आक्रमण इजरायली रेड सी रिसोर्ट इलातमा २२ जना घाइते भएको एक दिनपछि भएको हो, जसमध्ये दुई जनाको अवस्था गम्भीर छ ।