एन्टिफा समूहलाई ट्रम्पले राखे 'आतंकवादी' संगठनको सूचीमा

काठमाडौँ, २ असोज । अमेरिकी राष्ट्रपति डोनाल्ड ट्रम्पले फासीवाद विरोधी समूह एन्टिफा (फासीवाद विरोधी) लाई 'आतंकवादी' संगठनको रूपमा तोकेका छन् ।

भन्नलाई त एन्टिफाका सदस्यहरू वा यस विचारधारासँग सम्बन्धित व्यक्तिहरू नव-नाजीवाद, नव-फासीवाद, सेतो सर्वोच्चतावाद र जातीय भेदभाव जस्ता रूढिवादी विचारधाराहरूको विरुद्धमा बोल्ने गरिएको भनिएको छ तर उनीहरु आफ्ना कट्टरपन्थी विचारधाराले प्रशिद्ध छन् ।

राष्ट्रपति ट्रम्पले आफ्नो पोस्टमा लेखेका छन्- 'म खतरनाक र कट्टरपन्थी वामपन्थी संगठन एन्टिफालाई प्रमुख आतंकवादी संगठनको रूपमा तोक्दैछु भनेर घोषणा गर्न पाउँदा खुसी छु । म एन्टिफालाई आर्थिक सहयोग गर्नेहरूलाई उच्चतम कानुनी मापदण्ड र नियमहरू अन्तर्गत अनुसन्धान गर्न पनि सिफारिस गर्नेछु ।'

राष्ट्रपति ट्रम्पले आफ्नो पहिलो कार्यकालमा यस समूहको निरन्तर विरोध गरेका थिए । समूहसँग सम्बन्धित धेरैले विश्वास गर्छन् कि तिनीहरूको उत्पत्ति १९२० र १९३० को दशकमा युरोपेली फासीवादी शक्तिहरू विरुद्धको आन्दोलनको समयमा भएको थियो । पश्चिम जर्मन अराजकतावादीहरूदेखि शीतयुद्धको युगसम्म, एन्टिफाको विचारधारालाई स्वीकार गर्नेहरूले विरोध प्रदर्शनमा कालो लुगा लगाउँछन् ।

प्रहरी वा प्रदर्शनकारीहरूबाट चिनिनबाट बच्न, तिनीहरू प्रायः आफ्नो अनुहार मास्कले छोप्छन् वा हेलमेट लगाउँछन् ।

एन्टिफा प्रदर्शनकारीहरूले दक्षिणपन्थी कार्यक्रमहरू र राजनीतिज्ञहरूले भाग लिने कार्यक्रमहरूमा बाधा पुर्‍याउने प्रयास गर्छन् ।