भारतको ७९औं स्वतन्त्रता दिवस, प्रधानमन्त्री मोदीले सम्बोधन गर्दै

एजेन्सी, ३० श्रावण। भारतले आज आफ्नो ७९औं स्वतन्त्रता दिवस मनाउँदैछ ।

अगस्ट १५ मा, प्रधानमन्त्री नरेन्द्र मोदीले राजधानी दिल्लीको लाल किल्लामा तिरंगा फहराउनेछन् र राष्ट्रलाई सम्बोधन गर्नेछन् ।

प्रधानमन्त्री मोदीले स्वतन्त्रता दिवसमा लगातार १२औं पटक लाल किल्लाबाट भाषण दिनेछन् ।

यस पटक देशभरबाट छानिएका २६ राज्य र केन्द्र शासित प्रदेशका ८५ गाउँका सरपञ्चहरूलाई समारोहमा विशेष अतिथिको रूपमा आमन्त्रित गरिएको छ ।

लाल किल्ला र यसको वरपरका क्षेत्रमा बहुस्तरीय सुरक्षा व्यवस्था गरिएको छ । ११ हजारभन्दा बढी सुरक्षाकर्मी र तीन हजार ट्राफिक प्रहरी तैनाथ गरिनेछन् ।

स्नाइपरहरूसँगै एण्टी-ड्रोन एकाइहरू, सीसीटीभी क्यामेरा, अनुहार पहिचान प्रणाली, स्वचालित नम्बर प्लेट पहिचान र सवारी साधन मुनि निगरानी प्रणाली पनि तैनाथ गरिएको छ ।