द्वन्दको त्रासका कारण देश छाड्न थाले इरानी नागरिक

काठमाडौं : इरान–इजरायल बिच चर्किएको द्वन्दका कारण त्रास बढ्दै गएपछि इरानी नागरिकहरु आफ्नो देश छाडेर शरण खोज्दै छिमेकी राष्ट्र प्रवेश गर्न थालेका छन् ।

इरानको मेघरी सीमा चौकी हुँदै बुधबार इरानका बासिन्दाहरू ठुलो संख्या छिमेकी राष्ट्र आर्मेनियामा प्रवेश गरेको देखिएको छ । हालसम्म के कति इरानी नागरिक आर्मेनीया प्रवेश गरे भन्ने बारेक कुनै आधिकारिक तथ्याङ्क जारी नगरिएको भएपनि दक्षिणी आर्मेनियाली शहर अगारकका प्रत्यक्षदर्शीहरूले केही घण्टाको अवधिमा सयौं मानिसहरू त्यहाँ आइपुगेको बताएका छन् । धेरैले भारी सुटकेसहरू बोकेका छन, लामो समयसम्म बस्नको लागि उनिहरु तयार देखिन्छन् ।

‘सीमावर्ती शहर मेघरी इरानबाट भागेर आश्रय खोज्नेहरूले भरिएको बताइएको छ । जसलाई अझै शरणार्थी स्थिति प्रदान गरिएको छैन, स्थानीय होटलहरू अब पूर्ण क्षमतामा भरिएका छन् । इरानको हवाई क्षेत्र बन्द भएपछि, आर्मेनिया इरानीहरूका लागि मात्र होइन, तर द्वन्द्वबाट भागेर घर जाने बाटो खोज्ने विदेशी नागरिकहरूका लागि पनि एक महत्त्वपूर्ण ट्रान्जिट हब बनेको छ ।’

इरानको उत्तरी छिमेकी अजरबैजानमा पनि उल्लेखनीय संख्यामा इरानी नागरिकहरु गएको बताइएको छ । अजरबैजानको राजधानी बाकु र आर्मेनियाको येरेवन दुवैका सरकारी अधिकारीहरूले मंगलबारसम्म इरानमा बसोबास गर्ने ७०० भन्दा बढी विदेशीहरू आफ्नो सीमामा प्रवेश गरेको बताएका छन् ।

गत शुक्रबार बिहान इजरायलले इरानको आणविक उद्योगहरुलाई लक्षित गर्दै ठूलो मात्रामा हवाई आक्रमण गरेपछि क्षेत्रीय तनाव बढेको थियो । इरानले त्यस दिन पछि प्रतिकारात्मक हमलाको जवाफ दियो, जबकि दुई पक्षले त्यसबेलादेखि मिसाइल आक्रमणहरू आदानप्रदान जारी राखेका छन् ।(सीसीटीभीप्लस)