नेपाल टेलिकमको खुद नाफा ३७ प्रतिशतले बढ्यो, तीन महिनामा कमायो १ अर्ब ८२ करोड
२०८३ कार्तिक २८ गते
- नेपाल टेलिकमले विकट तथा दुर्गम क्षेत्रसम्म दूरसञ्चार सेवा विस्तार गर्नुका साथै सेवा गुणस्तर सुधारलाई प्राथमिकतामा राखेर काम गरिरहेको जनाएको छ ।
काठमाडौं: नेपाल टेलिकमले चालु आर्थिक वर्ष २०८३/८४ को पहिलो त्रैमासमा खुद नाफा ३७.३५ प्रतिशतले वृद्धि गरेको छ ।
कम्पनीले सार्वजनिक गरेको अपरिष्कृत वित्तीय विवरणअनुसार साउनदेखि असोजसम्मको तीन महिनामा १ अर्ब ८२ करोड १ लाख रुपैयाँ खुद नाफा आर्जन गरेको हो । गत आर्थिक वर्षको सोही अवधिमा कम्पनीको खुद नाफा १ अर्ब ३२ करोड ५१ लाख रुपैयाँ थियो ।
समीक्षा अवधिमा कम्पनीको करअघिको मुनाफा ३.६५ प्रतिशतले बढेर २ अर्ब ९८ करोड ७४ लाख रुपैयाँ पुगेको छ । अघिल्लो आर्थिक वर्षको पहिलो त्रैमासमा यस्तो मुनाफा २ अर्ब ८८ करोड २१ लाख रुपैयाँ थियो ।
त्यस्तै, कम्पनीको कुल आय सामान्य ०.०७ प्रतिशतले बढेर ९ अर्ब ४७ करोड ७६ लाख रुपैयाँ पुगेको छ । गत वर्षको सोही अवधिमा कुल आय ९ अर्ब ४७ करोड १० लाख रुपैयाँ रहेको थियो ।
यद्यपि, कम्पनीको कुल सञ्चालन आय भने सामान्य घटेको छ । चालु आर्थिक वर्षको पहिलो त्रैमासमा सञ्चालन आय ८ अर्ब ६७ करोड ८२ लाख रुपैयाँ रहेको छ, जुन गत वर्षको सोही अवधिको ८ अर्ब ६७ करोड ९५ लाख रुपैयाँभन्दा केही कम हो ।
यसैगरी, ब्याज, कर, ह्रासकट्टी तथा परिशोधनअघिको सञ्चालन मुनाफा (इबिट्डा) ६.१३ प्रतिशतले घटेर ४ अर्ब ४५ करोड ९० लाख रुपैयाँमा झरेको छ । गत आर्थिक वर्षको पहिलो त्रैमासमा यस्तो मुनाफा ४ अर्ब ७५ करोड ४ लाख रुपैयाँ थियो ।
कम्पनीका अनुसार भोटेकोशी क्षेत्रमा आएको बाढीपहिरोले दूरसञ्चार सेवा प्रभावित हुनु र प्रभावित ग्राहकलाई १७ दिनसम्म निःशुल्क डेटा तथा भ्वाइस सेवा उपलब्ध गराउनुले सेवा बिक्रीबाट प्राप्त हुने आम्दानीमा असर परेको हो ।
असोज २५ गते आएको बूढीगण्डकीको बाढीले समेत सेवा प्रवाहमा नकारात्मक प्रभाव पारेको कम्पनीले जनाएको छ ।
त्यस्तै, कम मूल्यका र ठूला डेटा प्याकेजको प्रयोग बढ्दै जाँदा त्यसले पनि कम्पनीको आम्दानीमा प्रभाव पारेको विवरणमा उल्लेख छ । यद्यपि, समीक्षा अवधिमा जीएसएम सेवातर्फ १० लाख १६ हजार रुपैयाँ र एफटीटीएच सेवातर्फ ४ करोड ४० लाख रुपैयाँ सञ्चालन राजस्व वृद्धि भएको कम्पनीले जनाएको छ ।
कम्पनीका अनुसार चालु आर्थिक वर्षमा कर्मचारीको तलब वृद्धि हुँदा कर्मचारी खर्च बढेको छ । तर, ह्रास खर्चमा आएको कमी र मूल्यह्रास क्षति फिर्ता समायोजन (इम्पेयरमेन्ट रिभर्सल) का कारण कुल खुद खर्च ४८ करोड १२ लाख रुपैयाँ अर्थात् ५.९० प्रतिशतले घटेको छ ।
नेपाल टेलिकमले विकट तथा दुर्गम क्षेत्रसम्म दूरसञ्चार सेवा विस्तार गर्नुका साथै सेवा गुणस्तर सुधारलाई प्राथमिकतामा राखेर काम गरिरहेको जनाएको छ ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
-
आज अन्तर्राष्ट्रिय सहनशीलता दिवस मनाइँदै
-
उदाउँदो सूर्यलाई अर्घ दिँदै छठ पर्व समापन गरिँदै
-
आजको राशिफल: वि.सं. २०८३ कार्तिक ३० गते सोमबार
-
५० प्रतिशत भौतिक प्रगति भएका जलविद्युत् आयोजनाले मात्रै आईपीओ जारी गर्न पाउने
-
जलवायु अनुकूलनका लागि विद्यालय तहको पाठ्यक्रम परिमार्जन गर्दैछौँ- शिक्षामन्त्री पोखरेल
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।