नेपाली बक्स अफिसमा आजदेखि त्रिपक्षिय भिडन्त

काठमाडौँ, १३ असोज । आज बडादशैँको फूलपातीमा नेपाली बक्स अफिसमा त्रिपक्षिय भिडन्त रहेको छ । आज फिल्म माइतीघर, बलिदान र हरिबहादुरको जुत्ता प्रदर्शनमा आएका छन् ।

तिनै चलचित्रको अग्रिम टिकट बुकिङ र प्रदर्शनका हिसाबले फिल्म ‘बलिदान’ अगाडि देखिएको छ । बलिदानले दुई सयभन्दा बढी शो पाएको छ छ भने कैयौं शो अग्रिम बुकिङमै हाउसफुल भएका छन् । सन्तोस सेन निर्देशित बलिदानमा समीर भट्ट, सौगात मल्ल, ऋचा शर्मा लगायतको अभिनय रहेको छ ।

त्यस्तै फिल्म माइतीघरले देशभर डेढ सयभन्दा बढी शो पाएको यो फिल्मको अग्रिम टिकट बुकिङको अवस्था सन्तोषजनक रहेको छ भने अग्रिम बुकिङमा केहि शो हाउसफुल भएका  छन् । मिलन तामाङले निर्देशन गरेको माइतीघरमा केदार घिमिरे, प्रकाश सपूत, धीरज मगर, उपासना सिंह ठकुरीलगायतको अभिनय रहेको छ ।  

त्यसैगरी आजदेखि प्रदर्शन भएको चलचित्र हरिबहादुरको जुत्ताको पनि अग्रिम टिकट बुकिङ राम्रो रहेको छ । दीपेन्द्र के. खनालको निर्देशनमा बनेको ‘हरिबहादुरको जुत्ता’ मा हरिवंश आचार्य, प्रकाश सपूत, स्वस्तिमा खड्का मुख्य भूमिकामा रहेका छन् ।