गुगलको तथ्याङ्क केन्द्रका लागि विश्वकै ठूलो ऊर्जा सञ्चय प्रणाली निर्माण हुने

२०८२ फाल्गुण १६ शनिवार

(प्रबिधि)

सारांश

अमेरिकामा प्रविधि कम्पनी गुगलको नयाँ तथ्याङ्क केन्द्र सञ्चालनका लागि ठूलो क्षमताको ऊर्जा सञ्चय प्रणाली स्थापना गर्ने भएको छ ।

काठमाण्डौ, १६ फाल्गुण । अमेरिकामा प्रविधि कम्पनी गुगलको नयाँ तथ्याङ्क केन्द्र सञ्चालनका लागि ठूलो क्षमताको ऊर्जा सञ्चय प्रणाली स्थापना गर्ने भएको छ । परियोजनाअन्तर्गत विश्वकै सबैभन्दा ठूलो मानिएको ब्याट्री प्रणाली जडान गर्ने तयारी गरिएको हो ।

यो ऊर्जा सञ्चय प्रणाली ३०० मेगावाट क्षमता र ३० गिगावाट-घण्टा ऊर्जा भण्डारण क्षमताको हुने जनाइएको छ । उक्त प्रणाली फर्म इनर्जी कम्पनीले विकास गरिरहेको छ भने अमेरिकाको मिनेसोटा राज्यको पाइन आइल्याण्ड क्षेत्रमा स्थापना गरिनेछ ।

परियोजना कार्यान्वयनको जिम्मा ऊर्जा सेवा प्रदायक एक्ससेल इनर्जीले लिएको छ । गुगलसँगको सहकार्यमा स्थानीय विद्युत् सञ्जालमा १.४ गिगावाट पवन ऊर्जा र २०० मेगावाट सौर्य ऊर्जा थप गरी तथ्याङ्क केन्द्रलाई आवश्यक विद्युत् आपूर्ति गरिने योजना रहेको छ ।

फलाम-हावा प्रविधिमा आधारित यस ब्याट्री प्रणालीले करिब १०० घण्टासम्म निरन्तर ऊर्जा आपूर्ति गर्न सक्ने बताइएको छ । ऊर्जा भण्डारण क्षमताका आधारमा हालसम्म घोषणा गरिएका परियोजनामध्ये यो सबैभन्दा ठूलो हुन सक्ने दाबी गरिएको छ ।

नवीकरणीय स्रोतबाट स्थिर रूपमा विद्युत् उपलब्ध गराउने चुनौती समाधान गर्न लामो समयसम्म ऊर्जा सञ्चय गर्न सक्ने प्रविधिलाई महत्वपूर्ण विकल्पका रूपमा हेरिएको छ । फर्म इनर्जीले विकास गरेको प्रविधिमा फलाम र हावाबीच हुने रासायनिक प्रक्रियामार्फत ऊर्जा उत्पादन तथा पुनः सञ्चय गरिने जनाइएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

इरानको आन्तरिक संरचना र मध्यपूर्वको युद्ध

मध्यपूर्वमा डलर, तेल, र धर्मको मिश्रणले राजनीति, कूटनीति, र द्वन्द्व सिर्जना गरेको छ । यसले मुख्य उद्देश्य सभ्यताको रक्षा तथा नेतृत्व जस्तो देखिन सक्छ । यही कारणले यो संघर्ष करिब अन्तहीन जस्तो देखिन्छ । केही समयको विश्रामपछि नयाँ संस्करणको युद्ध फेरि सुरु हुन्छ ।