नासाबाट तीन हजार ८७० कर्मचारीको राजीनामा

काठमाडौँ: अमेरिकी अन्तरिक्ष एजेन्सी नेशनल एरोनटिक्स एण्ड स्पेस एडमिनिस्ट्रेशन (नासा) बाट तीन हजार ८७० कर्मचारीले आफ्नो जागिर गुमाउने भएका छन् । 

यी कर्मचारीहरूले स्वैच्छिक राजीनामा कार्यक्रम अन्तर्गत राजीनामा दिने बताइएको छ ।

अमेरिकी राष्ट्रपति डोनाल्ड ट्रम्पको प्रशासनले बजेट कटौती गर्न कर्मचारीहरूको संख्या घटाउने कार्यक्रम सुरु गरेपछि यस अन्तर्गत, कर्मचारीहरूलाई नासाबाट बर्खास्त गर्नुको सट्टा स्वैच्छिक राजीनामा दिन भनिएको छ । संघीय कार्यबल घटाउने ट्रम्प प्रशासनको लक्ष्य पूरा गर्न, अन्तरिक्ष एजेन्सी नासाका अधिकारीहरूले छटनीबाट बच्न राजीनामाको बाटो अपनाइरहेका छन् ।

हाल, तीन ८७० कर्मचारीहरूले नासाबाट राजीनामा दिएका छन् । यद्यपि, नासाले शुक्रबार आफ्नो विज्ञप्तिमा आवेदनहरूको समीक्षा गरेपछि यो संख्या परिवर्तन हुन सक्ने बताएको छ । नासाले २०२५ मा कर्मचारीहरूलाई जागिर छोड्न दुई छुट्टाछुट्टै अवसर दिएको छ । राजीनामा कार्यक्रमहरू र लगभग ५०० जनाले सामान्यतया जागिर छोडेपछि, नासामा लगभग १४ हजार कर्मचारीहरू बाँकी रहनेछन् ।

नासामा राजीनामाको पहिलो चरण ट्रम्प प्रशासनको प्रारम्भिक चरणमा आएको थियो । यो प्रयास एलन मस्कको नेतृत्वमा रहेको सरकारी दक्षता विभागद्वारा संचालित थियो । नासाले जुनको सुरुमा स्थगित राजीनामाको दोस्रो चरण सुरु गर्‍यो, जसको समयसीमा जुलाई २५ सम्म थियो । एजेन्सीले तीन हजार कर्मचारीहरूले यसलाई स्वीकार गरेको बताएको छ, जुन नासको कुल कार्यबलको १६.४ प्रतिशत हो ।

नासाले आफ्नो विज्ञप्तिमा सुरक्षा सर्वोच्च प्राथमिकता भएको बताउदै अझ कुशल संस्था बन्नुको साथै, चन्द्रमा र मंगल ग्रह जस्ता अभियानहरूको लागि क्षमताहरू पूर्ण रूपमा अक्षुण्ण रहने कुरा पनि सुनिश्चित गर्ने बताएको छ । विज्ञहरूले कर्मचारीहरूको संख्यामा यति ठूलो कटौतीले नासाको भविष्यका अभियानहरू र प्राविधिक विशेषज्ञतालाई हानि पुर्‍याउन सक्ने भन्दै चिन्ता व्यक्त गरेका छन् ।