बार्सिलोना च्याम्पियन्स लिगबाट बाहिरियो, एटलेटिको सेमिफाइनलमा

काठमाण्डौ, ०२ वैशाख । बार्सिलोना च्याम्पियन्स लिगबाट बाहिरिएको छ ।

गएराती सम्पन्न क्वाटरफाइनलको दोस्रो लिगमा एटलेटिको म्याड्रिडलाई २-१ गोल अन्तरले पराजित गरेपनि समग्रमा ३-२ गोल अन्तरले पराजित हुदै च्याम्पियन्स लिगबाट बाहिरिएको हो ।

यस खेलमा बार्सिलोनाका लागि लामीन यमल र फेरान टोरेजले एक एक गोल गरेका थिए भने एटलेटिको म्याड्रिडका एडेमोला लुकम्यानले एक गोल गरेका थिए । त्यस्तै यस खेलमा खेलको ७९औं मिनेटमा एरिक ग्रासियाले रातो कार्ड पाएपछि बार्सिलोना १० खेलाडीमा सिमित भएको थियो ।

यसअघि क्वाटरफाइनलको पहिलो लिगमा एटलेटिको म्याड्रिडले बार्सिलोनालाई २-० गोल अन्तरले पराजित गरेको थियो । योसँगै एटलेटिको म्याड्रिड च्याम्पियन्स लिगको सेमिफाइनलमा पुगेको छ ।