वेस्ट इण्डिज विरुद्ध 'क्लिन स्वीप' गर्ने नेपालको दाउ

काठमाडौँ, १४ असोज । युएईको शारजाहास्थित शारजाह क्रिकेट रङ्गशालामा आज हुन लागेको टी-२० आई शृङ्खला अन्तर्गत नेपालले वेस्ट इण्डिज विरुद्ध अन्तिम खेल खेल्दै छ ।

यस अघि दुवै खेलमा आफ्नो पक्षमा नतिजा हात पारेको नेपालले यो अन्तिम खेलमा पनि जित हात पार्ने दाउमा रहेको छ । आजको खेल जितेमा नेपालले शृङ्खला 'क्लिन स्वीप' गर्नेछ । खेल नेपाली समय अनुसार बेलुका ८ बजे शुरु हुनेछ ।

युवा खेलाडीले भरिएको वेस्ट इण्डिज नेपाल सामु निरिह देखिएको छ । 'क्लिन स्वीप'बाट जोगिन वेस्ट इण्डिजलाई भएङ्कर दवाव रहनेछ । 'क्लिन स्वीप' गर्नसके टेष्ट राष्ट्र विरुद्ध नेपालको अर्को कीर्तिमानी जीत हुनेछ ।

यसअघि नेपालले पहिले खेलमा १९ रनले र दोश्रो खेलमा ९० रनको विशाल अन्तरले जित हात पारेको थियो ।