मन्त्री बादी र नेपालका लागि अमेरिकी कार्यवाहक राजदूत बोल्डिनबीच भेटवार्ता
२२ असोज, २०८३
- महिला, बालबालिका, लैङ्गिक तथा यौनिक अल्पसङ्ख्यक तथा सामाजिक सुरक्षा मन्त्री सिता बादी र नेपालका लागि अमेरिकी कार्यवाहक राजदूत मेघन बोल्डिनबीच भेटवार्ता भएको छ।
काठमाडौं : महिला, बालबालिका, लैङ्गिक तथा यौनिक अल्पसङ्ख्यक तथा सामाजिक सुरक्षा मन्त्री सिता बादी र नेपालका लागि अमेरिकी कार्यवाहक राजदूत मेघन बोल्डिनबीच भेटवार्ता भएको छ।
भेटमा रसुवालगायत बाढी प्रभावित क्षेत्रको पुनर्स्थापना तथा पुनर्निर्माण, मानव बेचबिखन तथा ओसारपसार नियन्त्रण र सामाजिक विकासका क्षेत्रमा नेपाल–अमेरिका सहकार्य थप सुदृढ गर्ने विषयमा छलफल भएको थियो।
कार्यवाहक राजदूत बोल्डिनले बाढीमा ज्यान गुमाएकाहरूप्रति श्रद्धाञ्जली व्यक्त गर्दै प्रभावित समुदायको पुनर्स्थापनामा सहकार्य गर्ने प्रतिबद्धता जनाएकी थिइन् ।
मन्त्री बादीले बाढीबाट महिला, किशोरी तथा बालबालिकाको सुरक्षा र शिक्षामा थप चुनौती सिर्जना भएको भन्दै पुनर्स्थापना तथा पुनर्निर्माणमा अमेरिकी सहयोगको अपेक्षा व्यक्त गरेकी थिइन्।
भेटमा मानव बेचबिखन नियन्त्रण, पीडितको संरक्षण, अनुसन्धान तथा पुनर्स्थापनाका क्षेत्रमा समेत सहकार्य बढाउने विषयमा छलफल भएको थियो। अमेरिकी पक्षले मानव बेचबिखन नियन्त्रण तथा पीडित संरक्षणमा नेपालसँग मिलेर काम गर्ने प्रतिबद्धता जनाएको थियो।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।
