सुनसरीको देवानगञ्जमा गोली चल्यो, एक जना घाइते

माेरङ: सुनसरीको देवानगञ्ज गाउँपालिकामा गोली चल्दा एक युवक घाइते भएका छन्। गाउँपालिका– १ मा अज्ञात समूहले प्रहार गरेको गोली लागेर निरज यादव घाइते भएका हुन्।

घटना भएको वडाका अध्यक्ष सूर्यनारायण पालका अनुसार बेलुका नचिनेको ब्यक्तिबाट गोली चलेको हो। अर्कोतर्फ सुनसरी प्रहरी कार्यालयका सूचना अधिकारी तथा प्रहरी नायब उपरीक्षक चन्द्रबहादुर खड्काका अनुसार घाइते यादवको खुट्टामा गोली लागेको छ।

घटनासँगै केहीबेर स्थानीयले प्रदर्शन गरेका थिए। सो क्षेत्रमा सुरक्षा निकायले सुरक्षा व्यवस्था कडा बनाएको छ। घाइते यादवलाई तत्काल उपचारका लागि विराटनगरस्थित नोबेल शिक्षण अस्पतालमा भर्ना गरिएको छ।